Аз ҷониби кормандони ҳифзи давлатии ҷангал нисбат ба ҳуқуқвайронкунандагон 1686 санад тартиб дода шуд
ДУШАНБЕ, 02.02.2025. /АМИТ «Ховар»/. Соли 2024 аз тарафи кормандони ҳифзи давлатии ҷангал доир ба вайрон кардани талаботи қонунгузории соҳаи хоҷагии ҷангал ва шикор нисбат ба ҳуқуқвайронкунандагон 1686 санад тартиб дода шуда, ба маблағи 4151,9 ҳазор сомонӣ зарар муайян гардид. Аз ин маблағ 884,9 ҳазор сомонӣ барқарор карда шуд. Дар ин хусус муовини директори Агентии хоҷагии ҷангали назди Ҳукумати Ҷумҳурии Тоҷикистон Давлаталӣ Шарифзода 30 январ зимни нишасти матбуотӣ иттилоъ дод.
Аз миқдори умумии қонунвайронкуниҳои ошкоргардида 89 ҳолат ба маблағи 594,7 ҳазор сомонӣ ба буриши ғайриқонунии дарахт, 377 ҳолат ба маблағи 418,9 ҳазор сомонӣ ба чорвочаронии худсарона ва 252 ҳолат ба маблағи 90,0 ҳазор сомонӣ ба ҷамъоварии худсаронаи гиёҳҳои хӯрданибобу шифобахш рост меояд.
Гуфта шуд, ки 68 ҳолат ба маблағи 25,0 ҳазор сомонӣ шикори беиҷозат, 13 ҳолат ба маблағи 1535,4 ҳазор сомонӣ риоя накардани қоидаҳои бехатарӣ аз сӯхтор дар ҷангал ва 85 ҳолат ба маблағи 1487,0 ҳазор сомонӣ дигар намуди қонунвайронкуниҳои ҷангалро ташкил медиҳад.
Иброз гардид, ки дар якҷоягӣ бо мақомоти ҳифзи ҳуқуқ, аз ҷумла бо мақомоти прокуратура ва дигар ниҳодҳо барои ситонидани ҷуброни товони зараре, ки ба фонди давлатии ҷангал расонида шудааст ва ҷаримаҳои маъмурӣ корҳо идома доранд.
Зарангези ЛАТИФ,
АМИТ «Ховар»
АКС: АМИТ «Ховар»
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
Банкнотаи ҷашнии 100-сомонии Тоҷикистон ба рӯйхати ғолибони ҷоизаи байналмилалии IACA-2026 ворид шуд
Нақшаи пилласупорӣ дар вилояти Хатлон 76,9 фоиз иҷро гардид
Мудири кулли Созмони озуқаворӣ ва кишоварзӣ Тсюй Дунъюй ба иқтидори кишоварзии Тоҷикистон баҳои баланд дод
Ҳайати Тоҷикистон бо намояндагони Бонки аврупоии таҷдид ва рушд ва ширкати «OG Research» вохӯрӣ намуд
ПУЛИ САРМОЯГУЗОРӢ. Дар чорабинии канорӣ роҳҳои ҷалби захираҳои молиявӣ баррасӣ карда шуданд
Дар ноҳияи Деваштич дар 7070 гектар картошка кишт карда мешавад
Нигина Анварӣ: «Фонди махсуси навсозии системаҳои ирригатсионии Осиёи Марказӣ ташкил карда шавад»
