Дар ноҳияи Муъминобод 168 километр роҳи мошингард таъмир гардид
МУЪМИНОБОД, 17.02.2025 /АМИТ «Ховар»/. Дар ноҳияи Муъминобод бо мақсади бехатар гардидани роҳҳо ва ба ин восита дар сатҳи баланд нигаҳ доштани онҳо аз ҷониби Муассисаи давлатии нигаҳдории роҳҳои автомобилгарди ноҳия 168,2 км роҳ аз таъмири ҷорӣ бароварда шуд. Аз ин шумора 142,2 км ба роҳҳои маҳаллӣ мансуб буда, 26 км он дорои аҳамияти ҷумҳуриявӣ мебошад. Барои таъмири роҳҳо 13 техникаи роҳсозӣ омодаи кор мебошад.
Раиси ноҳияи Муъминобод Сайвалӣ Амирзода зимни нишасти матбуотӣ иттилоъ дод, ки то ин давра 24 километр роҳҳои мошингарди Муъминобод-Геш-Чилдухтарон таъмири ҷорӣ гардида, дар шафати роҳҳои моишнгарди Муъминобод-Тутқавул-Хоҷаинур 330 бех навниҳоли сояафкан, ороишӣ ва мевадиҳанда шинонида шуд. Ҳамчунин дар нуқтаҳои зарурӣ 50 аломати бехатарии роҳҳо насб гардид.
Дар ин давра аз ҷониби соҳибкорон дар ҷамоатҳои шаҳраки Чорсӯ сангфаршкунии кӯчаҳои ҷамоат ба миқдори 9,4 км, деҳаи Чашмасорон ба миқдори 8 км, Ҷамоати деҳоти Деҳбаланд ба масофаи 15,1 км, деҳаи Боғгаӣ ба миқдори 9,5 км, Ҷамоати деҳоти Тутиён ба масофаи 1,5 км, Ҷамоати деҳоти Чилдухтарон ба миқдори 16 км, дар маҷмуъ ба миқдори 86,4 км ба маблағи 2 миллиону 748 ҳазор сомонӣ роҳҳо таъмир шуданд.
Дар ин давра бо саҳми соҳибкорон ва аҳолӣ дар деҳаҳои Рӯдакӣ, Ободон ва Тутбоғи Ҷамоати деҳоти Тутиён 3 пули мошингард ба масофаи 24 метри мураббаъ ба маблағи 143 ҳазор сомонӣ таъмир ва сохта шуд.
Масъулини Муассисаи давлатии нигаҳдории роҳҳои автомобилгарди ноҳия тасмим гирифтаанд, ки дар давраи зимистон бо техникаҳо роҳҳоро сари вақт аз барф тоза намуда, ба роҳҳо қум ва маводи дигари зиддилағжиш пошанд.
АКС: АМИТ «Ховар»
Таҳаввулоти рақамӣ: чӣ тавр технологияҳои рақамӣ ҳаётро тағйир медиҳанд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
