Дар Тоҷикистон барои коҳиши хатари офатҳои табиӣ беш аз 19 миллион сомонӣ ҷудо гардид
ДУШАНБЕ, 08.02.2025 /АМИТ «Ховар»/. Бо мақсади гузаронидани корҳои пешгирикунӣ, коҳиши хатари офатҳои табиӣ ва таъмини соҳилмустаҳкамкунӣ соли 2024 аз ҳисоби фонди Ҳукумати Ҷумҳурии Тоҷикистон ва захираҳои моддии давлатӣ 19 миллиону 434 ҳазору 558 сомонӣ ҷудо гардид. Дар ин хусус 5 феврал дар нишасти матбуотии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба хабарнигорон иттилоъ дода шуд.
Раиси кумита Раҷабалӣ Раҳмоналӣ гуфт, ки бо ин маблағ масолеҳи сохтмонӣ ва сӯзишвории дизелӣ харида шуда, ба ноҳияҳои аз офатҳои табиӣ зарардида техникаю механизмҳо давра ба давра дастрас гардиданд.
Дар мавзеъҳои хавфноки шаҳру ноҳияҳои ҷумҳурӣ ва минтақаҳое, ки эҳтимоли рух додани ҳолатҳои фавқулода мавҷуд аст, ситодҳои доимӣ ва дар ҳудуди ҷамоатҳои деҳот аз ҳисоби кормандони ташкилоту корхона ва зернизомҳои ҳудудӣ ва вазифавии Низоми ягонаи давлатӣ оид ба пешгирӣ ва рафъи ҳолатҳои фавқулода навбатдории шабонарӯзӣ ташкил шудааст, иброз гардид дар нишасти ин кумита.
Офатҳои табиӣ ҳамасола дар саросари ҷаҳон ба миллионҳо одамон ва иқтисоди давлатҳо хисороти зиёд меоранд, ки хавфи онҳоро тавассути тадбирҳои фаъол ва банақшагирӣ коҳиш додан мумкин аст.
Гуфта шуд, ки воҳидҳои сохтории вилоятӣ ва шаҳру ноҳиявии кумита вазифадор шудаанд, ки бо ҷалби қувваю воситаҳои Низоми ягонаи давлатӣ дар мавзеъҳои хавфноки аҳолинишин машқҳои ғайринақшавӣ гузаронанд. Ҳамчунин корҳои тоза кардани каналҳо, селроҳаҳо, сойҳо, заҳбуру заҳкашҳо ва соҳилмустаҳкамкунӣ ташкил намоянд.
Инчунин барои таъмини саривақтии ҳифзи зироати кишоварзии хоҷагиҳои ҷумҳурӣ аз бориши жола аз ҷониби Хадамоти зиддижолаи кумита корҳои мавсимӣ моҳи апрели соли 2024 доир шуданд. Бо истифода аз 891 мушак 229 минтақаи хавфноки жолаовар, 618 ҳазор гектар замини кишоварзии хоҷагиҳои водии Ҳисор ва вилояти Хатлон аз офати табиӣ (бориши жола) ҳифз карда шуд.
Дар ин замина барои гузаронидани корҳои мавсимӣ дар соли 2025 964 мушак захира карда шудааст.
Зимни нишасти матбуотии Кумитаи ҳолатҳои фавқулода ва мудофиаи гражданӣ иттилоъ дода шуд, ки соли 2024 дар ҷумҳурӣ 639 ҳодиса ва ҳолати фавқулодаи дорои хусусияти табиӣ сабт шудааст.
Маблағи умумии зарари муайяншудаи он 161 миллиону 50 ҳазору 100 сомониро ташкил намуд.
Моҳинави НАВРӮЗ,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Дар Тоҷикистон шумораи ҷиноятҳои умумӣ бештар ба қайд гирифта шудааст
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
