«ХУДШИНОСИИ МИЛЛӢ ВА НАҚШИ ОН ДАР ТАРБИЯИ ҶАВОНОН». Дар Душанбе ҳамоиши илмӣ-адабӣ доир гардид
ДУШАНБЕ, 27.02.2025. /АМИТ «Ховар»/. Бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз ҷониби маҳфили доимамалкунандаи «Адибони ҷавон»-и назди кумита таҳти унвони «Худшиносии миллӣ ва нақши он дар тарбияи ҷавонон» маҳфили илмӣ-адабӣ баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Иброз гардид, ки дар доираи амру пешниҳодҳои Президенти Ҷумҳурии Тоҷикистон муҳтарам Эмомалӣ Раҳмон доир ба баргузории озмунҳои бузурги адабӣ, ба монанди «Фурӯғи субҳи доноӣ китоб аст» ва фестивалу ҳамоишҳои ҷумҳуриявӣ дар назди Кумитаи кор бо ҷавонон ва варзиш маҳфили доимамалкунандаи «Адибони ҷавон» таъсис дода шудааст.
Ҷавононро мебояд, ки китобҳои зиёд мутолиа намоянд ва ҷаҳонбиниашонро васеъ кунанд. Зеро китобу адабиёт қувваи бузурги дарккунӣ ва эҳсоси инсонро комил месозанд.
Иштирокчиён вобаста ба аҳамият ва нақши Озмуни ҷумҳуриявии «Фурӯғи субҳи доноӣ китоб аст» дар ташаккули худшиносӣ ва худогоҳии миллии ҷавонон, ҳамзамон осори бузургони адаб, ба монанди Рӯдакӣ, Фирдавсӣ ва Сино ибрози ақида намуданд. Онҳо омӯзиши адабиётро яке аз воситаҳои асосии ташаккули худшиносӣ ва худогоҳии миллӣ арзёбӣ намуданд.
Насли наврасу ҷавон дар ҷараёни омӯзиши осори пурғановати адибони номвари миллат ва мутолиаи шоҳасарҳои бузургони адаб бо сарнавишти ниёгони хеш шинос мегардад.
Маҳфили «Адибони ҷавон» ба баланд бардоштани ҳисси худогоҳӣ, худшиносии миллӣ ва ифтихори ватандӯстӣ мусоидат намуда, дар замиру ботини насли наврас нақши созгор мегузорад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
