Имсол дар хоҷагиҳои деҳқонии шаҳри Панҷакент дар 3900 гектар картошка кишт карда мешавад
ДУШАНБЕ, 25.02.2025 /АМИТ «Ховар»/. Имсол дар хоҷагиҳои деҳқонии шаҳри Панҷакент дар 3900 гектар картошка кишт карда мешавад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Кишоварзони хоҷагии деҳқонии «Меҳнатобод»-и Ҷамоати деҳоти Халифа Ҳасани шаҳр имсол нахустин шуда, ба кишти барвақтии картошка шуруъ намуданд.
Саҳмдори собиқадори хоҷагӣ Ҳусниддин Шукуров иброз дошт, ки дар шаст ҳисса замини саҳмаш пурра картошкаи барвақтӣ кишт намуда, баъди ҷамъоварии он дар ин замин сабзавот парвариш мекунад. Ӯ ба қадри зарурӣ барои кишт кардани картошка тухмӣ захира намудааст.
Имсол дар ин хоҷагии деҳқонӣ дар 32 гектар ва Ҷамоати деҳоти Халифа Ҳасан дар 535 гектар кишти картошка, ки қисми асосии он барвақтӣ аст, пешбинӣ шуда, ҳоло омода намудани заминҳо барои кишт ва шинонидан идома дорад.
Деҳқонони хоҷагии «Хуросон»-и Ҷамоати деҳоти Ёрӣ низ ба кишти барвақтии картошка шуруъ намуданд.
Дар маҷмуъ имсол дар хоҷагиҳои деҳқонии шаҳри Панҷакент дар 3900 гектар кишти картошка пешбинӣ шудааст.
Тибқи маслиҳати мутахассисон, бояд дар 70 дарсади он картошкаи барвақтӣ, ки дар иқлими ин водӣ ҳосили хуб медиҳад, кишт шавад.
АКС: Мақомоти иҷроияи ҳокимияти давлатии шаҳри Панҷакент
Пагоҳ иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
