Намояндагони илму фарҳанги Тоҷикистон бо фаъолияти Донишгоҳи давлатии Самарқанд шинос шуданд

Февраль 18, 2025 16:00

ДУШАНБЕ, 18.02.2025 /АМИТ «Ховар»/. Намояндагони илму фарҳанги тоҷик дар доираи иштирок дар Конфронси байналмилалии «То тавонӣ дӯстонро гум макун» ба Донишгоҳи давлатии Самарқанд ба номи Шароф Рашидов рафта, бо фаъолияти ин боргоҳи илму дониш шинос шуданд, иттилоъ медиҳад АМИТ «Ховар» бо истинод ба Осорхонаи миллии Тоҷикистон.

Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода, Президенти Академияи миллии илмҳои Тоҷикистон Қобилҷон Хушвахтзода, ректори Донишгоҳи Самарқанд оид ба равобити дӯстонаи халқҳои тоҷику узбек, ифтитоҳи утоқҳо барои дарси забон ва адабиёти тоҷик дар Донишгоҳи Самарқанд, дурнамо ва масъалаҳои ороиши илмию бадеии ин утоқҳо сухан гуфтанд.

Таъкид шуд, ки иҷрои ин амал дар доираи сиёсати фарҳангии сарони ду давлати дӯсту бародар- Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев беназир мебошад.

Инчунин аҳли илму фарҳанги Тоҷикистон ёдгориҳои таърихии шаҳри Самарқанд, аз ҷумла Майдони Регистон, Мадрасаҳои Шердор, Тиллокорӣ ва Улуғбек (макони таҳсилу тадриси Абдураҳмони Ҷомӣ)-ро тамошо намуданд.

АКС: Осорхонаи миллии Тоҷикистон

Февраль 18, 2025 16:00

Хабарҳои дигари ин бахш

Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд
Беҳтарин асарҳои назмию насрӣ дар соли 2026 муайян мегарданд
«ДАР ЧЕҲРААШ НУРИ ХУДО ДОРАД». Таҳти ин унвон бахшида ба Рӯзи Президент намоиши асарҳо баргузор шуд
Дар Душанбе Форуми байналмилалӣ ва намоиши либосҳои миллӣ баргузор гардид
Дар Душанбе маҳфили эҷодии Шоири халқии Тоҷикистон Давлат Сафар баргузор мегардад
Дар кинотеатри «Ватан» нахустнамоиши филми муштараки «Дурахши ахтарон: Ҷомӣ ва Навоӣ» баргузор мешавад