НИШАСТИ МАТБУОТӢ. 75 фоизи ҳолати қонунвайронкунии замин бартараф карда шуд
ДУШАНБЕ, 11.02.2025 /АМИТ «Ховар»/. Соли 2024 аз ҷониби Кумитаи давлатии идораи замин ва геодезии Ҷумҳурии Тоҷикистон 12 ҳазору 554 ҳолати вайронкунии қонунгузории замин ошкор гардид, ки 361 ҳолат нисбат ба соли 2023 кам аст. Дар натиҷаи андешидани тадбирҳои мушаххас 9445 ҳолат ё 75 фоизи ҳолати қонунвайронкунӣ бартараф карда шуд. Ин матлабро Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода дар нишасти матбуотӣ баён намуд.
Аз тарафи нозирон нисбат ба вайронкунандагони қонунгузории замин ба маблағи 6 миллиону 946 ҳазор сомонӣ ҷарима таъйин гардида, 5 миллиону 669 ҳазору 372 сомонӣ ба суратҳисоби махсуси Кумитаи давлатӣ ва мақомоти маҳаллии он ворид шуд, ки нисбат ба соли 2023 ба маблағи 526 ҳазору 524 сомонӣ зиёд мебошад.
Ориф Хоҷазода гуфт, ки «барои додани баҳои ҳуқуқӣ 1025 мавод ба прокуратура ва 911 мавод барои ситонидани маблағи ҷаримаҳо ба Хадамоти иҷро ирсол гардид, ки ин низ ба сари вақт ворид намудани ҷаримаҳо мусоидат намуд».
Дар давраи ҳисоботӣ мутахассисони Кумитаи давлатӣ ва кумитаҳои идораи замин дар маҳал барои сари вақт ошкор ва бартараф намудани қонунгузории замин тибқи дархости мақомоти ҳифзи ҳуқуқ 3081 маротиба санҷиш гузаронида, хулоса пешниҳод намуданд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
