НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон 13 ихтисоси нав таъсис дода шуд
ДУШАНБЕ, 06.02.2025 /АМИТ «Ховар»/. Бо мақсади тавсеа бахшидани фаъолияти Донишгоҳи байналмилалии забонҳои хориҷии Тоҷикистон ба номи Сотим Улуғзода ва ҷалби бештари довталабон 13 ихтисоси нави ба талаботи бозори меҳнат ҷавобгӯ таъсис дода шуд. Дар ин хусус имрӯз, 6 феврал зимни нишасти матбуотӣ ректори ин донишгоҳ Жило Гулназарзода ба хабарнигорон иттилоъ дод.
«13 ихтисос дар зинаи бакалавриат ва магистратура буда, аз ҷумла 6 ихтисос дар равияи омӯзгорӣ, 1 ихтисос дар равияи рӯзноманигорӣ ташкил шуда, 1 ихтисос тарҷумонӣ мебошад. Дар соли таҳсили 2025-2026 хоҳишмандон ба ин ихтисосҳо қабул карда мешаванд»,- иттилоъ дода шуд дар нишаст.
«Сабаби таъсис додани ин ихтисосҳо он аст, ки талабот ба забономӯзӣ зиёд шудааст. Аз он 6 забони ҷаҳоние, ки дар Созмони Милали Муттаҳид қабул шудаанд, ду забони он- забони испанӣ ва итолиёвӣ дар донишгоҳи мо омӯзонида намешуд. Аз ин рӯ тасмим гирифтем, ки омӯзиши ин забонҳоро низ дар донишгоҳ ба роҳ монем»,-иброз дошт Жило Гулназарзода.
Соли 2024 ҳамчунин бо ибтикори донишгоҳ таҳти унвони «Забон донӣ-ҷаҳон донӣ» Озмуни ҷумҳуриявии донишҷӯёни муассисаҳои таҳсилоти олии касбӣ барои дарёфти «Ҷоми раёсати Донишгоҳи байналмилалии забонҳои хориҷии Тоҷикистон ба номи Сотим Улуғзода» доир гардид. Дар озмун донишҷӯён аз 26 мактаби олӣ дар равияҳои забони тоҷикӣ, забони русӣ, забони англисӣ ва забони чинӣ иштирок намуданд.
Моҳинави НАВРӮЗ,
АМИТ «Ховар»
АКС: АМИТ «Ховар»
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
