НИШАСТИ МАТБУОТӢ. Дар ноҳияи Ёвон 5 коргоҳи нави саноатӣ ба истифода дода шуд

Февраль 13, 2025 08:57

ЁВОН, 12.02.2025 /АМИТ «Ховар»/. Соли 2024 дар ноҳияи Ёвон 5 коргоҳи нави саноатӣ, аз қабили коргоҳҳои истеҳсоли дару тирезаҳои пластикии Ҷамъияти дорои масъулияти маҳдуди «Муҳаммад пласт» ва Ҷамъияти дорои масъулияти маҳдуди «Рустам пластик», бомпӯшҳои оҳанини Ҷамъияти дорои масъулияти маҳдуди «Дидор сохтмон», истеҳсоли хишти Ҷамъияти дорои масъулияти маҳдуди «Хиштҳои сабуки Ёвон» ва истеҳсоли мебели Ҷамъияти дорои масъулияти маҳдуди «Имрон мебел» бо 20 ҷойи кори доимӣ ба истифода дода шуданд. Дар ин хусус 10 феврал зимни нишасти матбуотӣ иҷрокунандаи вазифаи Раиси ноҳияи Ёвон Икромиддин Вализода ибрози назар намуд.

Ҳамчунин боиси хурсандӣ аст, ки 7 ноябри соли 2024 бо иштироки Президенти Ҷумҳурии Тоҷикистон муҳтарам Эмомалӣ Раҳмон дар базаи корхонаи истеҳсоли гаҷкартони Ҷамъияти дорои масъулияти маҳдуди «Хуаҷиан Ғаюр индастриал» хати нави истеҳсоли амстронг бо иқтидори истеҳсоли 3 миллион метри мураббаъ амстронг дар як сол бо 35 ҷойи кори доимӣ, корхонаи истеҳсоли гаҷкартони Ҷамъияти дорои масъулияти маҳдуди «Файзи гаҷ» бо иқтидори истеҳсоли 1 миллион метри мураббаъ маҳсулот дар як сол бо 40 ҷойи кори доимӣ, корхонаи истеҳсоли механизмҳои борбардори Ҷамъияти дорои масъулияти маҳдуди «Де Банг Тоҷикистон» бо ҷалби сармояи дохилӣ дар минтақаи саноатии деҳоти Даҳана бо 18 ҷойи кори доимӣ ва корхонаи коркарди пахтаи Ҷамъияти дорои масъулияти маҳдуди «Сабрин тиллои сафед» бо иқтидори коркарди 25 ҳазор тонна пахта дар як сол бо 35 ҷойи кори мавсимӣ мавриди истифода қарор дода шуданд.

Дар нишасти матбуотӣ гуфта шуд, ки соли 2024 корхонаю коргоҳҳои саноатии ноҳияи Ёвон ба маблағи 1 миллиарду 779 миллиону 711 ҳазор сомонӣ маҳсулот истеҳсол намуданд, ки нисбат ба соли 2023 22 миллиону 187 ҳазор сомонӣ зиёд буда, суръати афзоиш дар ин давра 103,2 фоизро ташкил дод. Инчунин соли 2024 корхонаи «Хуаксин Ғаюр семент» ба миқдори 121 ҳазору 631 тонна ва корхонаи «Чжунгтсай Моҳир семент» ба миқдори 117 ҳазору 50 тонна семент истеҳсол намуданд, ки маблағи умумии он 212 миллиону 207 ҳазор сомониро ташкил дод. 10,2 фоизи сементи истеҳсолшуда ба хориҷи мамлакат содирот гардид.

Бо мақсади беҳтар сохтани сифати таълиму тарбия бо дастгирии Мақомоти иҷроияи ҳокимияти давлатии ноҳияи Ёвон, саҳми соҳибкорон ва волидайни хонандагон бо харҷи беш аз 7 миллиону 948 ҳазор сомонӣ дар назди муассисаҳои таҳсилоти миёнаи умумии № 6, 18, 28, 42, 48, 49, 78 ва 48 биноҳои иловагӣ барои 2400 хонанда дар ду баст мавриди истифода қарор дода шуданд. Дар айни замон бо истифода аз ҳамаи сарчашмаҳои маблағгузорӣ дар назди муассисаҳои таҳсилоти миёнаи умумии № 3, 20, 23, 37, 39, 54, 69 сохтмони биноҳои иловагӣ барои 3000 хонанда дар ду баст идома дорад.

Субҳониддини МАҲМУД,
АМИТ «Ховар»

АКС: АМИТ «Ховар»

Февраль 13, 2025 08:57

Хабарҳои дигари ин бахш

Ҳайати Тоҷикистон дар аввалин таҷлили Рӯзи ҷаҳонии ҳифзи пиряхҳо дар қароргоҳи ЮНЕСКО дар Париж иштирок намуд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Ба муносибати ҷашни Наврӯз дар «Саноатсодиротбонк» ҷаласаи тантанавӣ баргузор шуд
Ҳамкории ниҳодҳои олии аудити Тоҷикистон ва Арабистони Саудӣ баррасӣ гардид
Дар Душанбе вобаста ба беҳтар намудани сатҳу сифати хизматрасонии алоқаи барқӣ брифинг доир шуд
Дар Бонки миллии Тоҷикистон ҷашни Наврӯз бошукуҳ таҷлил гардид
Марҳилаи муҳими татбиқи Лоиҳаи «Барномаи рушди фарогири деҳот» дар Тоҷикистон ба анҷом расид
Ҷаласаи якуми Гурӯҳи кории байнидоравӣ оид ба таҳияи Нақшаи амали Стратегияи рушди иқтисоди «сабз» доир шуд
Байни БАТР ва ҶСК «Шабакаҳои интиқоли барқ» Созишномаи грантӣ ба маблағи 2 миллион евро ба имзо расид
Русия дар самти баланд бардоштани сатҳи саводнокии молиявии аҳолӣ бо Тоҷикистон ҳамкорӣ менамояд
Дурнамои нишондиҳандаҳои асосии рушди иҷтимоию иқтисодии вилоятҳои Бадахшон ва Хатлон баррасӣ гардид
Байни Тоҷикистон ва Русия оид ба таъсиси Парки саноатӣ дар Тоҷикистон созишнома ба имзо расид