НИШАСТИ МАТБУОТӢ. Соли 2024 109 хонаи аз офатҳои табиӣ зарардида барқарор гардид
ДУШАНБЕ, 05.02.2025 /АМИТ «Ховар»/. Соли 2024 барои оилаҳои аз офатҳои табиӣ зарардида 109 хонаи истиқоматии 4-ҳуҷрагӣ муҷаҳҳаз бо тамоми ҷиҳози рӯзгор сохта, ба истифода дода шуд. Дар ин хусус имрӯз, 5 феврал Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Раҷабалӣ Раҳмоналӣ зимни нишасти матбуотӣ ба хабарнигорон иттилоъ дод.
Иброз гардид, ки бо иштироки Президенти Ҷумҳурии Тоҷикистон дар ноҳияи Нуробод 22 ва дар ноҳияи Ишкошим 13 хонаи истиқоматӣ ба истифода дода шуд. Инчунин дар ин давра дар ноҳияи Айнӣ 15 хона, Сангвор- 17, Шаҳринав- 1, Фархор- 36 ва дар шаҳри Ваҳдат 5 хонаи истиқоматӣ ба сокинони аз офати табиӣ зарардида супорида шуд.
«Дар асоси фармоишҳои дахлдори Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода ба оилаҳои ҳалокшудагон ва оилаҳои аз офатҳои табиӣ зарардида кумакҳои яквақтаинаи моддӣ, инчунин барои сохтмон ва барқарорсозии хонаҳои пурра ва қисман зарардида масолеҳи сохтмонӣ, маводи ғизоӣ ва ғайриғизоӣ ба маблағи умумии 50 миллиону 570 ҳазор сомонӣ дастрас гардид»,- гуфт раиси кумита.
Иттилоъ дода шуд, ки соли 2024 бар асари офатҳои табиӣ дар маҷмуъ 334 хона зарар дидааст. Аз ин шумора 102 хона пурра, 58 хона қисман, 174 хона сабуктар ва 1915 иншооти ёрирасон зарар дидаанд.
Ҳамчунин зимни нишаст иброз гардид, ки соли 2024 дар кумита тахтасангҳои оҳану бетонӣ, симтӯр, симтаноб ва сим захира гардид.
Моҳинави НАВРӮЗ,
АМИТ «Ховар»
АКС: АМИТ «Ховар»
СОЛИ ОБОДОНИЮ БУНЁДКОРӢ. 100 хоҷагии деҳаи Зарнисор-1-и ноҳияи Рӯдакӣ бо оби тозаи ошомиданӣ таъмин гардид
Шаҳри Душанбе соҳиби Шоҳҷоизаи Озмуни ҷумҳуриявии «Бонувони муваффақи шаҳру ноҳияҳои Тоҷикистон» гардид
Таъмини шаҳри Душанбе бо барқ ва гармӣ дар меҳвари таваҷҷуҳи масъулин қарор дорад
Ҳамкории Агентии суғуртаи иҷтимоӣ ва нафақа бо Бонки ҷаҳонӣ тақвият меёбад
Тоҷикистон ва Бонки ҷаҳонӣ татбиқи лоиҳаи ҳифзи иҷтимоӣ ва ҳамгироии иқтисодиро баррасӣ намуданд
Дар шаҳри Гулистон Форуми IV минтақавии ҷавонони ҳавзаи дарёи Сир – 2026 доир гардид
Дар Хадамоти гумруки Тоҷикистон Рӯзи забони давлатӣ таҷлил гардид
Дар Кӯлоб барои тарбиятгирандагони мактаб-интернати №1 хобгоҳи нави замонавӣ ифтитоҳ гардид
Бахшида ба Рӯзи забони давлатӣ дар Вазорати меҳнат, муҳоҷират ва шуғли аҳолии Тоҷикистон ҳамоиш доир шуд
Сахидод Раҳматуллозода: «Ташкили дарсҳои маҷозӣ барои омӯхтани забони давлатӣ тавассути шабакаҳои иҷтимоӣ ба манфиати кор мебошад»
МАСЛИҲАТИ МУТАХАССИС. Гул, бӯй ва меваи дарахти санҷид фоидаовар аст
Ширкати «IRS» ба мавсими зимистон омодагии ҷиддӣ дидааст
