ОГОҲӢ. 25-26 феврал дар Тоҷикистон бориши борон ва барф пешгӯӣ мешавад
ДУШАНБЕ, 24.02.2025. /АМИТ «Ховар»/. 25-26 феврал дар Тоҷикистон ҳаво номусоид шуда, бориши борон ва барф пешгӯӣ мешавад. Дар ин хусус ба АМИТ «Ховар» дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.
25 феврал дар бештари минтақаҳои водию доманакӯҳӣ ва шаҳри Душанбе бориши борон дар назар аст. Дар минтақаҳои кӯҳӣ охири рӯз бориши борон ба барф табдил меёбад. Инчунин дар ағбаҳо ва минтақаҳои баландкӯҳ бориши барф дар назар аст.
Ба иттилои Агентии обуҳавошиносии мамлакат, 26 феврал дар водиҳо ва ноҳияҳои кӯҳӣ шабона гузариши борон ба барф дар назар аст. Дар бештари ноҳияҳои ҷумҳурӣ, ба истиснои минтақаҳои баландкӯҳ пастшавии ҳарорат то 10-12 дараҷа хунукиро ташкил медиҳад. Шамол аз самти ғарб бо гузариш ба шимолу ғарб бо суръати то 9-14 метр дар як сония, дар ноҳияҳои алоҳида бо шиддати то 20-25 метр дар як сония мевазад.
Дар минтақаҳои кӯҳӣ ва баландкӯҳи ҷумҳурӣ бинобар номусоидии ҳаво, аз ҷумла хавфи сар задани тарма, яхбандӣ, фаромадани туман ва бадшавии дурии биниш пешгӯӣ мешавад.
Инчунин аз 25 то 27 феврал бинобар бориши борон дар баъзе минтақаҳои кӯҳию доманакӯҳии вилояти Суғд, ноҳияҳои тобеи ҷумҳурӣ, шоҳроҳи нақлиётгарди Душанбе-Хуҷанд-Чанок (километрҳои 62-74-уми шоҳроҳ) ва ғарби Вилояти Мухтори Кӯҳистони Бадахшон фаромадани тарма пешгӯӣ мешавад.
Дар робита ба ин ба шаҳрвандони ҷумҳурӣ тавсия дода мешавад, ки дар чунин вазъи номусоиди обу ҳаво дар минтақаҳои кӯҳӣ ва баландкӯҳи ҷумҳурӣ эҳтиёткор бошанд.
АКС: Dushanbe-travel
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
Ҳайати Тоҷикистон дар вохӯрии аъзои Комиссияи идоракунии лоиҳаи JDS иштирок намуд
23 МАЙ — РӮЗИ ҶАВОНОНИ ТОҶИКИСТОН. Онҳо неруи асосии пешбарандаи ҷомеа ва омили муҳими суботи сиёсӣ мебошанд
Ҷамолиддин Абдуллозода дар ҷаласаи пленарии иҷлосияи 79-уми Маҷмаи умумиҷаҳонии тандурустӣ иштирок намуд
