Сафири Боливарии Венесуэла: «Тоҷикистон бо табиати зебо ва мероси фарҳангию таърихӣ мавриди таваҷҷуҳи ҷаҳонгардон қарор мегирад»
ДУШАНБЕ, 05.02.2025 /АМИТ «Ховар»/. Ҷумҳурии Тоҷикистон бо доштани табиати зебо, мероси фарҳангию таърихӣ, таомҳои миллӣ ва меҳмоннавозии хоси тоҷикӣ мавриди таваҷҷуҳи ҷаҳонгардон қарор мегирад. Ин нуктаро 4 феврал Сафири Боливарии Венесуэла дар Ҷумҳурии Тоҷикистон Кристофер Мартинес Берротеран зимни мулоқот бо муовини якуми Раиси Кумитаи рушди сайёҳии назди Ҳукумати Ҷумҳурии Тоҷикистон Рустам Холматиён иброз намуд.
Тавре ба АМИТ «Ховар» аз Кумитаи рушди сайёҳӣ хабар доданд, зимни мулоқот ҷонибҳо вобаста ба рушд додани ҳамкорӣ дар соҳаи сайёҳӣ байни Ҷумҳурии Тоҷикистон ва Ҷумҳурии Боливарии Венесуэла, инчунин мусоидат ба бахши хусусӣ барои иштирок дар чорабиниҳои сатҳи байналмилалие, ки дар ҳудуди ҳарду давлат багузор мегарданд, табодули назар намуданд.
Таъкид шуд, ки иштироки бахши хусусӣ дар чунин чорабиниҳо яке аз омилҳои муҳими ҷалби сайёҳон ба ҳисоб меравад.
Муовини якуми Раиси Кумитаи рушди сайёҳӣ Рустам Холматиён ҳамчунин оид ба мавҷудияти имконияти фаровони сайёҳӣ, хусусан сайёҳии экологӣ, солимгардонӣ, кишоварзӣ ва шикор дар Ҷумҳурии Тоҷикистон маълумот дода, сиёсати созанда ва дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар мавриди ноил шудан ба дастовардҳои беназири соҳаи сайёҳӣ дар даврони соҳибистиқлолӣ бисёр муҳим арзёбӣ намуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
«ХАТЛОН — САРЗАМИНИ ТАМАДДУНҲО ВА САЁҲАТ». Дар Муъминобод форум ва намоиши байналмилалии сайёҳӣ баргузор мегардад
Дар мамнуъгоҳи «Бешаи палангон» тадбирҳои беҳдошти ҳолати гидрологӣ амалӣ гардиданд
Дар Конфронси чоруми байналмилалии сатҳи баланд дар Душанбе ҳайати бонуфуз аз Миср иштирок менамояд
Аз ноҳияи Дӯстӣ ба Федератсияи Русия маҳсулоти кишоварзӣ содирот мегардад
Кишоварзони ноҳияи Восеъ дар беш аз 7 ҳазор гектар пунбадона кишт менамоянд
Оид ба рақамикунонии минтақаҳои озоди иқтисодӣ дар шароити кишварҳои Авруосиёӣ форуми байналмилалӣ доир мешавад
Бахшида ба 35-солагии Истиқлолияти давлатӣ озмуни «Топ-35- шарики боэтимоди сол» баргузор мегардад
Ҳайати Тоҷикистон дар маҷлиси машваратии давлатҳои электорати Хазинаи байналмилалии асъор иштирок намуд
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
«Shohin Airlines» 4 ҳавопаймои силсилаи «Airbus A320neo» мехарад
Ҳайати Тоҷикистон дар Вашингтон масъалаҳои молиявӣ ва иқтисодиро бо шарикони байналмилалӣ баррасӣ намуд
Дар Душанбе ҳамоиши намояндагони тиҷоратии давлатҳои БРИКС ва СҲШ баргузор гардид
