«ЗАНОН-ДАР МЕҲВАРИ ПАЁМ». Дар шаҳри Бӯстон ҳамоиши занону ҷавондухтарон доир шуд
ДУШАНБЕ, 02.02.2025 /АМИТ «Ховар»/. Дар шаҳри Бӯстони вилояти Суғд таҳти унвони «Занон-дар меҳвари Паём» ҳамоиши занону ҷавондухтарон баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Бӯстон хабар доданд.
Дар ҳамоиш иброз гардид, ки ташаббусҳои неку дурандешонаи занону ҷавондухтарон ва пуштибонӣ аз иқдоми шоистаи онҳо дар меҳвари сиёсати Ҳукумати Ҷумҳурии Тоҷикистон, хусусан Президенти Тоҷикистон, Пешвои миллат муҳтарам Эмомалӣ Раҳмон қарор доранд.
Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» 28 декабри соли 2024 иброз доштанд, ки «дар фарҳангу тамаддуни мо – тоҷикон иззату эҳтироми зан – модар ҳамеша ҷойгоҳи хос дорад. Вале бояд гуфт, ки мақому манзалати занону духтарон ва нақши онҳо дар эъмори давлати муосир ва рушди ҷомеа маҳз дар замони соҳибистиқлолӣ воқеан боло рафт».
Воқеан ҳам, бо эътирофи арзишҳои башарӣ ва ҳимояи манфиатҳои миллӣ дар арсаи ҷаҳон баъди ба даст овардани Истиқлолияти давлатӣ ҷомеа, махсусан занон таҳти дастгирию ғамҳориҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон мақоми арзандаро соҳиб гардиданд.
«Имрӯз занон ва ҷавондухтарони мо бо эҳсоси баланди худшиносию худогоҳӣ ва ифтихор аз давлату давлатдории миллӣ тамоми неруи худро дар баробари мардон ба ҳифзи дастовардҳои истиқлолият, таҳкими давлатдорӣ, ваҳдати миллӣ, сулҳу субот, рушди минбаъдаи иқтисодию иҷтимоии Тоҷикистон ва устувор гардонидани мавқеи он дар қатори давлатҳои мутараққӣ равона менамоянд»,-гуфта шуд дар ҳамоиш.
Дар ҳамоиш занону ҷавондухтарони шаҳр даъват шуданд, ки бо такя ба сиёсати инсондӯстонаи Пешвои миллат муҳтарам Эмомалӣ Раҳмон ва дастгириҳои пайвастаи Ҳукумати Тоҷикистон барои вусъат додани ободонию бунёдкорӣ, пешгирии омилҳои номатлуб ва боз ҳам боло рафтани нуфузи Тоҷикистон дар арсаи байналмилалӣ саҳми босазо гузоранд.
АКС: Мақомоти иҷроияи ҳокимияти давлатии шаҳри Бӯстон
ҚОНУН «ДАР БОРАИ БОСТОНШИНОСӢ». Дар замони ҷаҳонишавӣ зарурати қабули он пеш омадааст
Дар Кӯлоб нуктаҳои Паёми Президенти Ҷумҳурии Тоҷикистон ба Маҷлиси Олӣ шарҳу тавзеҳ дода шуд
Махфират Хидирзода: «Паёми Президенти Тоҷикистон инъикоскунандаи интизориҳои ҷомеа нисбат ба масоили мухталиф аст»
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
Паёми Президенти Тоҷикистон ба Маҷлиси Олӣ ҳамчун сарчашма ва манбаи роҳнамо барои фаъолияти қонунгузорӣ арзёбӣ мегардад
Дар Панҷакент оид ба омӯзиш ва шарҳу тавзеҳи Паёми Президенти Тоҷикистон ҳамоиши ҳизбӣ доир шуд
Сокинони ноҳияи Айнӣ нуктаҳои Паёми Президенти Тоҷикистон ба Маҷлиси Олиро сармашқи фаъолият қарор медиҳанд
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
ХУДШИНОСИЮ ХУДОГОҲИИ МИЛЛӢ. Дар ҳошияи Паёми Президенти Тоҷикистон ба Маҷлиси Олӣ
Соли 2026 барои соҳаи маориф қариб 14 миллиард сомонӣ пешбинӣ гардидааст, ки нисбат ба соли пешин 25,4 фоиз зиёд аст
Дар Кумитаи ҳифзи муҳити зист оид ба шарҳи Паёми Президенти Тоҷикистон ба Маҷлиси Олӣ ҳамоиши сиёсӣ доир шуд
