Ба ифтихори Рӯзи Модар дар Корхонаи воҳиди давлатии «Роҳи оҳани Тоҷикистон» ҷамъомади идона доир шуд
ДУШАНБЕ, 06.03.2025 /АМИТ «Ховар»/. Тамоми бузургони олам дар домони поки модар ва бо меҳрубонию навозишҳои дасти модарон ба камол расидаанд. Чунин гуфта шуд дар ҷамъомади тантанавии идона таҳти унвони «Модар – ахтари тобони ҳаёт», ки бахшида ба Рӯзи Модар дар Корхонаи воҳиди давлатии «Роҳи оҳани Тоҷикистон» баргузор гардид. Дар ин хусус ба АМИТ «Ховар» аз Корхонаи воҳиди давлатии «Роҳи оҳани Тоҷикистон» иттилоъ доданд.
Раиси Корхонаи воҳиди давлатии «Роҳи оҳани Тоҷикистон» Комил Мирзоалӣ зимни суханронӣ аз нақш ва мақоми Зан-Модар дар тарбия, пешрафти ҷомеа, рушди соҳаҳои гуногуни иқтисодиёти ҷумҳурӣ, аз ҷумла соҳаи роҳи оҳан мамлакат, баҳору зубоӣ ва озодию ваҳдат ёдовар шуд.
Иброз гардид, ки бо соҳибистиқлол гардидани Ҷумҳурии Тоҷикистон мақому манзалати Зан-Модари тоҷик дар ҷомеа баланд гардид.
Бо назардошти он ки занону духтарон дар ҳаёти сиёсию иқтисодӣ ва иҷтимоию фарҳангии ҷумҳурӣ нақши бисёр арзишманду муассир доранд, давлат ва Ҳукумати мамлакат масъалаи таъмини ҳуқуқу манфиатҳои онҳоро дар меҳвари сиёсати худ қарор додааст.
Маҳз бо шарофати тадбирҳои андешидаи Ҳукумати Ҷумҳурии Тоҷикистон, хусусан Президенти Ҷумҳурии Тоҷикистон муҳтарам Эмомалӣ Раҳмон бо мақсади баланд бардоштани нақши занон дар ҷомеа аз ҷониби Ҳукумати мамлакат чандин санаду қарорҳои муҳиму саривақтӣ қабул гардиданд, ки бозгӯи ғамхории Ҳукумати Ҷумҳурии Тоҷикистон нисбат ба занону духтарон дар Тоҷикистон мебошад.
Дар Корхонаи воҳиди давлатии «Роҳи оҳани Тоҷикистон» дар қатори мардон занону духтарон зиёд дар бахшҳои гуногун фаъолияти пурсамар доранд. Роҳбарият ва масъулини корхона барои баланд бардоштани мақоми занон дар корхона ва вазъи иҷтимоии онҳо пайваста тадбирҳои зарурӣ андешида, нисбат ба онҳо ғамхорӣ зоҳир менамоянд.
Дар анҷоми ҷамъомади тантанавӣ роҳбарияти Корхонаи воҳиди давлатии «Роҳи оҳани Тоҷикистон» занону духтаронро бо Рӯзи Модар табрик намуда, ба онҳо гулу туҳфаҳо тақдим намуданд.
АКС: Корхонаи воҳиди давлатии «Роҳи оҳани Тоҷикистон»
Эмомалӣ Раҳмон: «Модарон дар тарбияи насли нав масъулияти беназир доранд»
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
Мунфиза Сайфиддинзода: «Хизмат барои ҳифзи саломатии инсон ҳадафи асосии ихтироъкории ман аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
Эмомалӣ Раҳмон: «Эҳтиром ба зан – модар дар Тоҷикистон ҳамчун зарурати сиёсӣ ва иҷтимоӣ эътироф мешавад»
Бахшида ба Рӯзи Модар дар ноҳияи Данғара ҳамоиш баргузор шуд
Модар сарчашмаи меҳру муҳаббат ва неруи бузурги маънавии ҷомеа мебошад
Эмомалӣ Раҳмон: «Занону модарони тоҷик дар ободониву пешрафти мамлакат саҳми бузург доранд»
