«Chengdu Airlines» парвозҳои мунтазамро дар хатсайри Қошғар-Хуҷанд-Қошғар оғоз менамояд
ДУШАНБЕ, 28.03.2025 /АМИТ «Ховар»/. Шуруъ аз 15 апрели соли 2025 ширкати ҳавопаймоии «Chengdu Airlines»-и Ҷумҳурии Мардумии Чин парвозҳои мунтазами ҳавоиро дар хатсайри Қошғар-Хуҷанд-Қошғар оғоз менамояд, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Роҳи ҳавоӣ байни Қошғари Чин ва Хуҷанди Тоҷикистон аз ҷониби ширкати ҳавопаймоии «Chengdu Airlines» дар доираи ҳамкории мутақобили судманди мақомоти авиатсионии Ҷумҳурии Тоҷикистон ва Ҷумҳурии Мардумии Чин ифтитоҳ мегардад. Ҳамзамон ин тадбир бо мақсади рушди соҳаи авиатсияи граждании мамлакат барои васеъ намудани ҷуғрофияи парвозҳо, рафту омади осони шаҳрвандони ҳарду давлати ҳамҷавор, рушди тиҷорат ва соҳаи сайёҳӣ андешида шудааст.
Парвозҳои мунтазам аз ҷониби ширкати ҳавопаймоии «Chengdu Airlines» дар як ҳафта як маротиба- рӯзҳои сешанбе амалӣ гардида, давомнокии парвоз аз Қошғар ба Хуҷанд 2 соату 40 дақиқаро ташкил медиҳад.
Бояд тазаккур дод, ки 11 марти соли равон Директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода бо Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Ҷи Шумин мулоқот намуд. Дар ҷараёни мулоқот масъалаҳои зиёд намудани хатсайрҳо ва ифтитоҳи парвозҳои мустақим байни ду давлат баррасӣ шуданд.
Ҳоло байни Душанбе ва Урумчӣ парвозҳои ҳавоӣ анҷом дода мешаванд.
Ифтитоҳ гардидани хатсайрҳои нав ба рушду тавсеаи соҳаи авиатсияи граждании мамлакат мусоидат менамояд.
Тавре Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иброз доштанд, «дар давоми солҳои охир соҳаи авиатсияи граждании мамлакат мувофиқи талаби замон пеш рафта, ба яке аз соҳаҳои муҳимтарини хоҷагии халқи мамлакат табдил ёфтааст».
АКС: Агентии авиатсияи граждании назди Ҳукумати Ҷумҳурии Тоҷикистон
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
Ҷаласаи навбатии Шурои ҷамъиятиву машваратӣ доир ба фаъолияти гумрукӣ баргузор шуд
Кишоварзони Ваҳдат имсол ҳаҷми умумии маҳсулотро ба беш аз 1 миллиарду 689 миллион сомонӣ расониданд
Дар Душанбе Форум оид ба алоқаи мобилии насли панҷум–5G баргузор мегардад
Дар Душанбе ҷаласаи 48-уми Шурои маъмурии Ташкилоти патентии Авруосиё доир шуд
Ҷаласаи 20 – уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор мешавад
