Дар Хуҷанд ҳайати иштирокчиёни Фестивали ҷаҳонии ҷавонон «Navruz Youth World Festival»-ро истиқбол намуданд
ДУШАНБЕ, 19.03.2025. /АМИТ «Ховар»/. Имрӯз дар маркази вилояти Суғд-шаҳри Хуҷанд маросими истиқболи ҳайати иштирокчиёни Фестивали ҷаҳонии ҷавонон «Navruz Youth World Festival» доир гардида, масъулини вилоят ва шаҳри Хуҷанд ҷавонони иштирокчиро дар саҳни Қалъаи фарҳангию бостонии Хуҷанд гарму самимӣ истиқбол намуданд. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Сипас, дар толори зебову боҳашамати Қалъаи Хуҷанд Раиси вилояти Суғд Раҷаббой Аҳмадзода ва Раиси Кумитаи кор бо ҷавонон ва варзиш Зулфиқор Гулаҳмадзода бо ҳайати ҷавонони хориҷӣ- иштирокчиёни Фестивали байналмилалии ҷавонон дидору суҳбат намуданд.
Раиси вилоят ҷавонони иштирокчии фестивали байналмилалиро ба истиқболи Наврӯзи оламафрӯз таҳният гуфта, қудуми онҳоро ба мамлакати офтобии Тоҷикистон, бахусус вилояти Суғд самимона хайрамақдам намуд. Ҳамзамон ба Кумитаи кор бо ҷавонон ва варзиши мамлакат барои устуворгардонии пайванди дӯстӣ байни ҷавонони кишварҳои олам ва гузаронидани ин фестивали сатҳи баланди байналмилалӣ изҳори ташаккур намуд.
Раиси Кумитаи кор бо ҷавонон ва варзиши мамлакат ба Мақомоти иҷроияи ҳокимияти давлатии вилояти Суғд барои ҳамкорию ҳамоҳангӣ дар баргузории Фестивали ҷаҳонии ҷавонон “Navruz Youth World Festival” арзи сипосу миннатдорӣ намуда, ба кори фестивал барор таманно намуд.
Зимнан, роҳбарони ҳайатҳои ҷавонони кишварҳои иштирокчии фестивал низ суханронӣ намуда, ба Ҳукумати мамлакат барои дар чунин фазои хубу гуворои идонаи баҳорӣ ба ҳам овардани қалбҳои ҷавонон бо мақсади таҳкими сулҳу дӯстӣ дар байни ҷавонони кишварҳои иштирокчӣ изҳори сипос намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
