Иди касбии мақомоти Прокуратураи генералии Ҷумҳурии Тоҷикистон таҷлил гардид

Март 14, 2025 17:17

ДУШАНБЕ, 14.03.2025 /АМИТ «Ховар»/. Имрӯз дар Прокуратураи генералии Ҷумҳурии Тоҷикистон бо иштироки кормандон ва  собиқадорони мақомоти прокуратура бахшида ба Рӯзи кормандони мақомоти прокуратураи Тоҷикистон, ки ҳамасола 14 март таҷлил мегардад, маҷлиси тантанавӣ баргузор шуд, иттилоъ медиҳад АМИТ «Ховар» бо истинод ба Прокуратураи генералии Тоҷикистон.

Прокурори генералии Ҷумҳурии Тоҷикистон, генерал-лейтенанти адлия Ҳабибулло Воҳидзода кормандон ва собиқадорони мақомотро бо иди касбӣ табрик намуда, доир ба таърихи таъсиси мақомоти прокуратура, хизматҳои бесобиқаи Президенти Ҷумҳурии Тоҷикистон муҳтарам Эмомалӣ Раҳмон дар бунёд ва таҳкими мақомот дар даврони соҳибистиқлолӣ, нақши мақомот дар барқароркунии сохти конститутсионӣ ва сулҳу субот дар ҷомеа, таъмини волоияти қонун, тартиботи ҳуқуқӣ, мубориза бо ҷинояткорӣ, ҳифзи ҳуқуқу озодиҳои инсон ва шаҳрванд, манфиатҳои давлат ва ҷомеа сухан  намуд.

Дар ҷамъомади тантанавӣ бо назардошти иҷрои намунавии  вазифаҳои хизматӣ, меҳнати софдилонаю бенуқсон, ба даст овардани муваффақият дар пурзӯр намудани қонуният ва тартиботи ҳуқуқӣ бахшида ба Рӯзи кормандони мақомоти прокуратураи Ҷумҳурии Тоҷикистон бо фармони Прокурори генералии Ҷумҳурии Тоҷикистон як зумра кормандон ҳавасманд гардонида шуданд.

Дар маҷлиси тантанавӣ тибқи тартиби муқарраршуда мутахассисони ҷавони прокуратура, ки акнун дар роҳи хизмати содиқонаи қонун қадам ниҳодаанд, оид ба риояи софдилонаи Конститутсия ва дигар қонунҳо, беғаразӣ ва адолат, мубориза бар зидди ҳар гуна қонунвайронкунӣ, сарфи назар аз он ки онро кӣ содир кардааст, самаранок бурдани назорати прокурорӣ ва тафтишоти пешакӣ, азиз доштани шарафи касбӣ, садоқатмандӣ, тозагии ахлоқ ва хоксорӣ савганд ёд намуданд.

   АКС: Прокуратураи генералии Ҷумҳурии Тоҷикистон

Март 14, 2025 17:17

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст