35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон корхонаи истеҳсоли газоблок бунёд мешавад

 ДУШАНБЕ, 11.04.2025. /АМИТ «Ховар»/. Ба истиқболи 35-солагии Истиқлоли давлатӣ дар шаҳри Бӯстон корхонаи истеҳсоли газоблок бунёд мешавад.

Тавре аз хадамоти матбуоти Раиси вилояти Суғд иттилоъ доданд, корхона бо саҳми соҳибкори маҳаллӣ Ҷамшед Дадоматов бунёд мешавад.   Дар корхона бо истифода аз технологияи муосир маҳсулоти босифати сохтмонӣ истеҳсол карда мешавад. Дар марҳилаи аввали фаъолият дар корхона аз 40 то 60 нафар бо ҷойи кори доимӣ таъмин хоҳанд шуд.

Инчунин дар шаҳр сохтмони тарабхона идома дорад. Иншоот аз ду ошёна иборат буда, бо беҳтарин шароити хизматрасонӣ омода гардида, 40 сокини маҳаллиро бо ҷойи кори доимӣ таъмин хоҳад кард.

Ҳамзамон корҳо барои навсозӣ ва таҷдиди кӯли шаҳр ва меҳмонхонаи «Хуҷанд» бо суръат идома доранд. Бинои меҳмонхона, ки аз 14 ошёна ва 187 ҳуҷра иборат аст, барои қабули 294 нафар дар як вақт пешбинӣ шудааст. Тибқи лоиҳа бунёду навсозии тамоми утоқҳои корӣ, ҳуҷраҳои истиқоматӣ, тарабхона бо 200 ҷойи нишаст, ошхона барои 126 нафар, маҷлисгоҳ, ҳавзи шиноварӣ, амфитеатр, ҳаммом ва дигар иншооти ёрирасон ба нақша гирифта шудааст.

АКС: Хадамоти матбуоти Раиси вилояти Хатлон