Ҳайати Тоҷикистон дар Малайзия бо дастовардҳо дар самти татбиқи Ҳадафҳои Рушди Устувор шинос гардид
ДУШАНБЕ, 26.04.2025 /АМИТ «Ховар»/. Ҳайати Тоҷикистон иборат аз кормандони масъули Дастгоҳи иҷроияи Президенти Тоҷикистон, роҳбарияти Вазорати молияи мамлакат ва коршиносони маҳаллӣ дар Малайзия сафари омӯзишӣ анҷом дод, иттилоъ медиҳад АМИТ «Ховар» бо истинод ба Вазорати молияи Тоҷикистон.
Ҳадафи сафари омӯзишӣ шиносоӣ бо таҷрибаи Малайзия оид ба ҳамоҳангии ҳадафҳои рушди устувор ба раванди таҳияи буҷети давлатӣ арзёбӣ мегардад.
Сафари омӯзишӣ бо ибтикори Ҳукумати Ҷумҳурии Тоҷикистон дар ҳамкорӣ бо Бунёди атфоли Созмони Милали Муттаҳид ва Барномаи занони Созмони Милали Муттаҳид анҷом дода шуд.
Дар доираи сафар бо муовинони вазирони молия ва иқтисод вохӯрӣ гузаронида шуда, вобаста ба идоракунии молияи давлатӣ, раванди банақшагирии нишондиҳандаҳои буҷетӣ, татбиқи буҷетикунонии барномаи ба ҳадафҳои рушди устувор нигаронидашуда, таҷрибаи маблағгузории Ҳазорсолаи Рушди Устувор ва пайвасткунии он ба самтҳои сиёсати миллӣ, шаффофият, мониторинги татбиқи Ҳазорсолаи Рушди Устувор, фаъолияти Маркази миллии Ҳазорсолаи Рушди Устувор мубодилаи афкор доир шуд. Ҳамзамон омодагии ҷонибҳо ба рушди ҳамкории минбаъда таъкид карда шуд.
Ҳамчунин ҳайати Тоҷикистон бо шаҳрдори Куала-Лумпур доктор Маймуна Моҳд Шариф, шаҳрдори иёлоти Пенанги Малайзия, намояндагони Парлумон, инчунин роҳбари маркази Урбаник Малайзия (Urbanice Malaysia) мулоқот намуда, бо ташаббусҳои шаҳрдорӣ дар самти татбиқи барномаи нави шаҳрсозӣ ва ташкили муҳити мусоид барои кӯдакон ва калонсолон, талошҳои шаҳрдорӣ дар самти маҳаллисозии Ҳазорсолаи Рушди Устувор, банақшагирии гендерӣ ва ба иқлим нигаронидашуда дар сатҳи маҳал, нақши Парлумон дар татбиқи Ҳазорсолаи Рушди Устувор, иштироки шаҳрвандон дар ҷараёни банақшагирии буҷет, шарикии давлатӣ бо бахши хусусӣ шинос гардиданд.
Сафари омӯзишӣ ба таҳкими робитаҳои институтсионалӣ, мукаммал намудани донишҳои амалӣ оид ба маҳаллисозии Ҳазорсолаи Рушди Устувор ва муайян кардани роҳҳо барои ҳамкории давомдор байни Тоҷикистон ва Малайзия дар пешбурди рушди устувор саҳми назаррас мегузорад.
АКС: Вазорати молияи Ҷумҳурии Тоҷикистон
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
