Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
ДУШАНБЕ, 22.04.2025 /АМИТ «Ховар»/. 21 апрел дар Донишгоҳи давлатии тиббии Тоҷикистон бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Душанбе бахшида ба Рӯзи пойтахти Ҷумҳурии Тоҷикистон-шаҳри Душанбе барномаи фарҳангӣ-сиёсии аъзои ҳизби пойтахт баргузор гардид. Дар ин хусус ба АМИТ «Ховар» аз Ҳизби Халқии Демократии Тоҷикистон хабар доданд.
Дар ҳамоиш муовини якуми Раиси Ҳизби Халқии Демократии Тоҷикистон Маликшо Неъматзода вобаста ба дастовардҳо ва рушду пешрафти шаҳри Душанбе дар соҳаҳои гуногун дар даврони соҳибистиқлолии мамлакат, зина ба зина беҳтар гардидани сатҳи хизматрасонӣ ба сокинони пойтахт, таваҷҷуҳи хоссаи Пешвои миллат, Раиси Ҳизби Халқии Демократии Тоҷикистон муҳтарам Эмомалӣ Раҳмон ва заҳматҳои Раиси шаҳри Душанбе муҳтарам Рустами Эмомалӣ вобаста ба мутобиқ намудани инфрасохтори шаҳр ба меъёрҳои байналмилалӣ, фарҳанги шаҳрнишинӣ, сол ба сол зиёд гардидани шумораи сайёҳон аз пойтахти мамлакат ва боло рафтани обрӯю эътибори шаҳри Душанбе дар арсаи байналмилалӣ ҳамчун маркази баргузории барномаҳои сиёсӣ, фарҳангию варзишии байналмилалию минтақавӣ ибрози андеша намуд.
Муовини Раиси шаҳри Душанбе Абдураҳмон Абдураҳмонзода паёми табрикотии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро ба иштирокчиён расонида, вобаста ба давраҳои таърихии ташаккули шаҳри Душанбе, нақши аъзо ва ҷонибдорони Ҳизби Халқии Демократии Тоҷикистон дар ташаккули фарҳанги сиёсию ҳуқуқии шаҳрвандони пойтахт, корҳои созандагию бунёдкорӣ ва рӯз аз рӯз зебою дилоро гардидани пойтахти азизамон ибрози назар намуд.
Дар анҷоми ҳамоиш муовини якуми Раиси Ҳизби Халқии Демократии Тоҷикистон Маликшо Неъматзода як зумра собиқадорону фаъолони ҳизбро бо медалҳои ҷашнии 30-солагии таъсиси Ҳизби Халқии Демократии Тоҷикистон сарфароз гардонид.
Ҳамзамон барномаи фарҳангӣ бо иштироки ҳунармандони шинохтаи мамлакат манзури иштирокчиён гардонида шуд.
АКС: Ҳизби Халқии Демократии Тоҷикистон
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
