Дар Душанбе ниммарафони XV байналмилалӣ баргузор мешавад
ДУШАНБЕ, 11.04.2025 /АМИТ «Ховар»/. Бахшида ба Рӯзи пойтахти Тоҷикистон 19 апрели соли 2025 дар шаҳри Душанбе ниммарафони XV байналмилалӣ баргузор мегардад, ки дар он дар баробари варзишгарони тоҷик варзишгарони дигар давлатҳои минтақа ва ҷаҳон иштирок менамоянд, хабар медиҳад шореҳи варзиши АМИТ «Ховар».
Ниммарафони XV байналмилалӣ, ки масофаи 21 километру 97,5 метрро дар бар мегирад, аз шоҳроҳи назди «Наврӯзгоҳ»-и шаҳри Душанбе шуруъ шуда, дар майдони Дӯстӣ, назди муҷассамаи шоҳ Исмоили Сомонӣ ба поён мерасад.
Варзишгароне, ки байни мардон ва занон ҷойҳои аз якум то шашумро ишғол мекунанд, бо чунин ҷоизаҳои молӣ сарфароз мегарданд: ҷойи 1-ум 38 500 сомонӣ, ҷойи 2-юм 33 000 сомонӣ, ҷойи 3-юм 27 500 сомонӣ, ҷойи 4-ум 16 000 сомонӣ, ҷойи 5-ум 14 800 сомонӣ, ҷойи 6-ум 11 500 сомонӣ.
Бояд гуфт, ки ниммарафони байналмилалии Душанбе аз соли 2014 ба тақвими мусобиқаи Созмони байналмилалии марафон ва дав ба масофаҳои дур дохил шудааст. Танҳо соли 2020 ниммарафони байналмилалии Душанбе бо сабаби хуруҷи коронавирус дар ҷаҳон баргузор нашуд.
Ёдовар мешавем, ки натиҷаи беҳтарини варзишгарони тоҷик дар чордаҳ даври ниммарафони байналмилалии Душанбе ҷойи дуюм байни занон ва ҷойи чаҳорум байни мардон мебошад.
Меҳрони ҚУРБОН,
АМИТ «Ховар»
АКС: АМИТ «Ховар»
Дар Хоруғ мусобиқаи вилоятии шоҳмот баргузор гардид
Дар шаҳри Москва Чемпионати кушод оид ба ҷудо таҳти унвони “Дӯстии халқҳо” оғоз гардид
Мадина Қурбонзода дар Чемпионати Осиё оид ба ҷудо соҳиби медали биринҷӣ гардид
Эмомалӣ Нуралӣ медали тилло ва Обид Ҷебов медали нуқраи Чемпионати Осиё оид ба ҷудоро соҳиб гардиданд
ТАРЗИ ҲАЁТИ СОЛИМ. Барои ба одати доимӣ табдил ёфтани машқи пагоҳирӯзӣ чӣ бояд кард?
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Дастаи мунтахаби наврасони Тоҷикистон (U-16) дар Тошканд ғолиби чемпионати CAFA-2026 гардид
Саидмуъмини Шарифзод Шоҳҷоизаи Мусобиқаи гӯштини миллӣ дар ноҳияи Рӯдакиро соҳиб гардид
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
