Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
ДУШАНБЕ, 22.04.2025. /АМИТ «Ховар»/. Аз 21 апрел то 30 майи соли равон дар тамоми шаҳру ноҳияҳои вилояти Хатлон бахшида ба Рӯзи байналмилалии ҳифзи кӯдакон таҳти унвони «Чил рӯзи ҳаёти кӯдакон» силсилабарномаҳои фарҳангию варзишӣ, маърифатӣ ва озмунҳо баргузор мегарданд.
Тавре аз хадамоти матбуоти Раиси вилояти Хатлон ба АМИТ «Ховар» иттилоъ доданд, барои баргузории ин силсилаҳамоишҳо қарори Раиси вилояти Хатлон ба тасвиб расидааст.
Баргузории озмунҳо, намоишҳо, вохӯриҳо, намоишҳои варзишию фарҳангӣ ва дигар иқдоми тарбиявӣ дар доираи ин рӯзҳо ба рушди қобилияти эҷодию зеҳнии кӯдакон ва таҳкими маърифати иҷтимоии онҳо мусоидат менамояд.
Тибқи нақша, то 1 июн ҳамаи чорабиниҳо ҷамъбаст гардида, маросими тантанавии анҷоми он бо қадрдонии ғолибони озмуну мусобиқаҳо бо Диплом, Ифтихорнома ва туҳфаҳои хотиравии Раиси вилояти Хатлон баргузор мешавад.
Ёдовар мешавем, ки Рӯзи байналмилалии ҳифзи кӯдакон бо қарори Анҷумани Шурои Федератсияи байналмилалии демократии занон таъсис ёфта, бори аввал 1 июни соли 1950 дар 51 давлати дунё таҷлил гардида буд.
АКС: АМИТ «Ховар»
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
