Дар ноҳияҳои кӯҳистони вилояти Хатлон паҳншавии малах ба мушоҳида мерасад
ДУШАНБЕ, 01.04.2025. /АМИТ «Ховар»/. Имсол дар ноҳияҳои кӯҳистони вилояти Хатлон паҳншавии малах мушоҳида мешавад. Барои нест намудани ин ҳашароти зараррасон бояд тадбирҳои фаврӣ андешида шаванд. Дар ин хусус 28 март зимни баргузории ҷаласаи ситоди корӣ оид ба мубориза бар зидди малах дар ноҳияи Вахш иттилоъ дода шуд.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, дар шаҳру ноҳияҳои вилояти Хатлон корҳои кимиёвӣ бар зидди малахи марокашӣ аз моҳи март оғоз гардида, дар се марҳила гузаронида мешаванд.
Малахи марокашӣ аслан дар минтақаҳои барои гузаронидани коркардҳои кимиёӣ дастнорас тухм гузошта, давра ба давра аз доманакӯҳҳо ба водиҳо ва марзҳои кишоварзӣ мефарояд.
Ҳамчунин дар вилоят бо мақсади омодагӣ ба мавсими имсола, сари вақт гузаронидани чорабиниҳо ва дар ин замина муҳофизати майдонҳои кишти зироати кишоварзӣ Ситоди вилоятӣ таъсис дода шудааст.
Инчунин Муассисаи давлатии «Экспедитсияи мубориза бар зидди малах» дар минтақаи Бохтар вазифадор карда шуд, ки дар муҳлати кӯтоҳтарин дар ҳар шаҳру ноҳия харитаи мавзеъҳоро муайян карда, дар ин мавзеъҳо коркарди техникӣ гузаронанд.
Инчунин барои сари вақт таъмиру омода намудани техникаҳои корхона ва ба миқдори зарурӣ захира намудани заҳрхимикатҳои сахттаъсир тадбирҳои зарурӣ андешанд.
АКС: Хадамоти матбуоти Раиси вилояти Хатлон
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
