Дар Тоҷикистон Ҳафтаи аврупоии иммунизатсия оғоз ёфт

ДУШАНБЕ, 28.04.2025. /АМИТ «Ховар»/. Аз 28 апрел то 3 май дар Тоҷикистон таҳти унвони «Инсоният қудрат дорад, ки иммунизатсияи ҳамагонӣ ба даст оварад!» Ҳафтаи аврупоии иммунизатсия гузаронида мешавад. Дар ин хусус имрӯз зимни ҳамоиш бахшида ба оғози Ҳафтаи аврупоии иммунизатсия дар Тоҷикистон, ки дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон доир гардид, иттилоъ дода шуд.

Ҳадафи ин ҳамоиш баланд бардоштани маълумотнокии аҳолӣ оид ба аҳамияти иммунизатсия дар самти нигоҳдории солимии аҳолӣ мебошад.

Ёдовар мешавем, ки иммунизатсия маводи тиббии иммунобиологие мебошад, ки барои пайдо намудани масуният бар зидди бемориҳои сироятӣ истифода бурда мешавад. Ҳангоми ворид намудани ваксинаҳо дар бадан нисбат ба бемории сироятӣ масуният (иммунитет)-и фаъол инкишоф меёбад. Он раванде мебошад, ки масунияти бадан тавассути он дар натиҷаи гузаронидани ваксина баланд шуда, нисбат ба бемориҳои сироятии ба воситаи ваксина идорашаванда таъсирнопазир мегардад.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон