Муҳлати пешниҳоди дархостҳо барои ташкили намоишгоҳҳо дар доираи Конфронси байналмилалии сатҳи баланд оид ба ҳифзи пиряхҳо тамдид карда шуд
ДУШАНБЕ, 16.04.2025 /АМИТ «Ховар»/. Муҳлати пешниҳоди дархостҳо барои ташкили намоишгоҳҳо дар доираи Конфронси байналмилалии сатҳи баланд оид ба ҳифзи пиряхҳо то 17 апрел тамдид карда шуд. Дар ин хусус ба АМИТ «Ховар» аз Котиботи Конфронси байналмилалии сатҳи баланд оид ба ҳифзи пиряхҳо хабар доданд.
Дар намоишгоҳҳо ҳамаи ҷонибҳои манфиатдор, аз ҷумла агентиҳои Созмони Милали Муттаҳид, созмонҳои байналмилалӣ, миллии ҳукуматӣ ва ғайриҳукуматӣ, институтҳои молиявӣ, академияҳо, бахши хусусӣ, созмонҳои ҷомеаи шаҳрвандӣ ва ғайра метавонанд иштирок намоянд.
Шахсони ҳавасманде, ки мехоҳанд лавҳаи намоишгоҳӣ ташкил намоянд, бо ин истинод: https://qrc.mfa.tj/exhibition-registration?eventId=2f3f91f2-f8ac-44e6-aacf-e3d0f96e76e7 метавонанд то 17 апрели соли 2025 худро сабти ном кунанд.
«Мо бесаброна интизори дидани шумо ҳамчун иштирокчии фаъоли Конфронси байналмилалии пиряхҳоем, ки 29-31 май дар Душанбе баргузор мешавад. Ҳамчунин интизор ва умедворем, ки дар ҳалли масъалаҳои марбут ба обшавии босуръати пиряхҳо ва оқибатҳои он ҳамкорӣ менамоем», — таъкид намудааст котиботи конфронс.
АКС аз манбаъҳои боз
ТАШАББУСҲОИ ТОҶИКИСТОН ДАР СОҲАИ ОБУ ИҚЛИМ. Аз соли 1940 то соли 2017 — дар ҳар даҳсола аз +0,1 то +0,2 дараҷа ҳарорати ҳаво баланд шудааст
МУТТАҲИДКУНИИ ҶАҲОН БАРОИ ОБ. Моҳи май дар Душанбе Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор» доир мешавад
Таъсиси Шурои миллии об дар Тоҷикистон қадами муҳим дар самти идоракунии устувори захираҳои об аст
РАВАНДИ ОБИ ДУШАНБЕ. Моҳи майи соли 2026 Душанбе мизбони Конфронси чоруми байналмилалии сатҳи баланд оид ба Даҳсолаи байналмилалии «Об барои рушди устувор» мегардад
МАЪРИФАТИ ҲУҚУҚӢ — ПОЯИ АДОЛАТ. Дар робита ба ташаббуси Тоҷикистон дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Қабули ин қатънома қадами устувор дар масири мутобиқнамоии ноҳияҳои кӯҳсор ба гармшавии глобалии иқлим аст
Соли 2028 Душанбе мизбони Конфронси Созмони Милали Муттаҳид оид ба захираҳои об мегардад
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
ЭМОМАЛӢ РАҲМОН — ТАШАББУСКОРИ ҶАҲОНИИ МАЪРИФАТИ ҲУҚУҚӢ. Дар робита ба қабули қатъномаи Маҷмаи Умумии СММ дар бораи «Соли байналмилалии маърифати ҳуқуқӣ, 2027»
«ҲИФЗИ ПИРЯХҲО ВА КРИОСФЕРА». Бахшида ба он «Муколамаи иқлимӣ барои ҷавонон» доир гардид
Дар Ню-Йорк вохӯрии Гурӯҳи дӯстони об баргузор гардид
