Муовини Сарвазири Тоҷикистон бо муовини Сарвазири Узбекистон мулоқот намуд
ДУШАНБЕ, 02.04.2025 /АМИТ «Ховар»/. 1 апрел дар шаҳри Хуҷанд дар доираи Форуми байналмилалии занон таҳти унвони «Наврӯз-иди занони ваҳдатсаро» муовини Сарвазири Ҷумҳурии Тоҷикистон Дилрабо Мансурӣ бо муовини Сарвазири Ҷумҳурии Узбекистон, Раиси Кумитаи кор бо занон ва оила Зулайхо Махкамова мулоқот намуд, хабар медиҳад АМИТ «Ховар».
Дилрабо Мансурӣ аз дастгириҳои давлат ва Ҳукумати Тоҷикистон барои баланд бардоштани нақш ва мақоми зан ёдовар шуда, таъкид дошт, ки маҳз бо иродат ва ташаббусҳои неки Президенти Тоҷикистон муҳтарам Эмомалӣ Раҳмон давоми 28 соли охир 11 ҳазору 600 нафар духтарон муассисаҳои таҳсилоти олиро бо квотаи президентӣ хатм намудаанд. Илова бар ин, зиёда аз 35 ҳазор духтарон муассисаҳои таҳсилоти олии мамлакатҳои хориҷиро хатм намуда, соҳибмаълумот шудаанд. Ҳоло аз 214 ҳазор нафар донишҷӯйи муассисаҳои таҳсилоти олии касбии мамлакат 90 ҳазор нафар ё 42 фоизро духтарон ташкил медиҳанд.
Дар идомаи мулоқот ҷонибҳо оид ба тавсеаи ҳамкорӣ барои баланд бардоштани маърифати ҳуқуқии занон, рушди ҳунармандӣ, баргузории силсилаи чорабиниҳо дар мавзуи солимии модару кӯдак, табодули таҷрибаи ҳамдигар ва ширкат дар Форуми «Занон ва пиряхҳо», ки моҳи май дар Душанбе баргузор мешавад, суҳбат намуданд.
Зулайхо Махкамова барои меҳмоннавозии гарму самимона миннатдории занони Узбекистонро иброз намуда, нақши Ҷумҳурии Тоҷикистонро дар пойдории сулҳ дар минтақа нек арзёбӣ намуд ва ба ҷониби Тоҷикистон дар баргузории Муколамаи занони Осиёи Марказӣ, ки соли 2025 ба Ҷумҳурии Тоҷикистон гузашт, барору комёбиҳо таманно намуд.
Ёдовар мешавем, ки дар доираи ташрифи Сарони давлатҳои Узбекистон ва Қирғизистон ба Тоҷикистон ва тантанаҳои Ҷашни байналмилалии Наврӯз 1 апрел дар шаҳри Хуҷанд Форуми занон таҳти унвони «Наврӯз- иди занони ваҳдатсаро» бо иштироки занони фаъоли се давлат доир гардид.
АКС аз манбаъҳои боз
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
