Намояндагони Тоҷикистон дар конфронси байналмилалӣ дар Австрия иштирок намуданд
ДУШАНБЕ, 03.04.2025. /АМИТ «Ховар»/. Дар шаҳри Венаи Ҷумҳурии Австрия Конфронси 25-уми байналмилалии «Алянс вобаста ба муқовимат ба савдои одамон» баргузор гардид, ки дар он намояндагони Тоҷикистон иштирок намуданд. Дар ин хусус ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд
Дар конфронс намояндагони давлатҳои аъзои Созмони амният ва ҳамкорӣ дар Аврупо, ташкилоти байналмилалӣ, мутахассис-коршиносони самти муқовимат ба савдои одамон иштирок намуданд.
Иброз гардид, ки конфронс нишасти солонаи сатҳи баланди ҷонибҳои манфиатдор аз минтақаҳои Созмони амният ва ҳамкорӣ дар Аврупо аст, ки ҳадафи он баланд бардоштани сатҳи сиёсии муқовимат ба савдои одамон ва тамоюлҳои нав дар ин самт мебошад.
Мавзуи асосии конфронс муқовимат ба савдои кӯдакон буд. Мутахассисони соҳавӣ оид ба муҳимияти пешгирии савдои кӯдакон ибрози андеша намуда, изҳор доштанд, ки аз ҷониби давлатҳои аъзои Созмони амният ва ҳамкорӣ дар Аврупо барои барҳам додани савдои кӯдакон раванди умумиҷамъиятӣ бояд амалӣ шавад, то ба фарогирӣ ва ҳамкории бисёрҷониба мусоидат намояд.
Намояндагони Тоҷикистон вобаста ба дастовардҳои Ҳукумати Ҷумҳурии Тоҷикистон ва тадбирҳои андешида барои коҳиш додани сатҳи ҷиноятҳои ба кӯдакон алоқаманд дар мавзуъҳои «Ҳифзи кӯдакон ва ташаккули ояндаи дурахшон» ва «Даъват ба қатъи савдои кӯдакон» ибрози назар намуда, иштирокчиёнро ба муқовимати дастҷамъона даъват намуданд.
АКС: Вазорати корҳои дохилии Ҷумҳурии Тоҷикистон
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
