Назоратчии барқ маблағи ҳаққи истифодаи неруи барқро аз сокинон ҷамъоварӣ ва азхуд кардааст
ДУШАНБЕ, 29.04.2025. /АМИТ «Ховар»/. Дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия марди 53-солаи сокини ноҳияи Ҷалолиддини Балхӣ бо гумони азонихудкунӣ ё исрофкорӣ дастгир карда шуд. Гумонбаршаванда маблағи ҳаққи истифодаи неруи барқро аз сокинони Ҷамоати деҳоти Маданияти ин ноҳия ҷамъоварӣ намуда, қисми зиёди онро азхуд кардааст, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Тибқи иттилои манбаъ, гумонбаршаванда аз 8 январи соли 2021 то инҷониб дар вазифаи назоратчии барқи Шабакаҳои барқии ноҳияи Ҷалолиддини Балхӣ фаъолият доштааст. Номбурда дар давоми фаъолияти кориаш солҳои 2024-2025 аз 24 сокини Ҷамоати деҳоти Маданияти ноҳияи мазкур аз 30 то 500 сомонӣ, дар умум 30 ҳазору 870 сомонӣ ҷамъоварӣ намуда, аз ин маблағ 6 ҳазору 600 сомониашро ба суратҳисоби ташкилоти барқӣ ворид карда, 24 ҳазору 270 сомонии боқимондаашро азонихуд намудааст.
Нисбат ба гумонбаршаванда бо қисми 2, моддаи 245 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
Ёдовар мешавем, ки дар асоси тағйиру иловаҳои нав ба Кодекси ҷиноятии Ҷумҳурии Тоҷикистон, барои вайрон кардани қоида ва меъёрҳои истифодаи қувваи барқ ҷавобгарии ҷиноятӣ пешбинӣ гардидааст.
Акс аз манбаъҳои боз
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
