Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
ДУШАНБЕ, 03.04.2025 /АМИТ «Ховар»/. Бахшида ба Ҷашни байналмилалии Наврӯз дар ноҳияи Темурмалик Мусобиқаи гӯштини миллӣ (гӯштингирӣ) дар сатҳи баланд доир гардид, ки дар он паҳлавонони тоҷик Фирдавс Насимов, Ғазалшоҳи Давлатшо, Улуғбек Раҳимов, Шарифҷон Назриев, Парвиз Абдураҳмонов, Рустам Хоҷаев, Исроил Раҳимов, Фарҳод Раҳматуллобеков, Ҳақназар Назаров, Муҳаммадҷон Юсуфзода, Саидшо Раҳматуллоев, Субҳиддин Халилзода, Муҳиддин Асадуллоев, Мирзоҷамил Рамазонов, Муқтадири Бобоҷон, Зикрулло Шарифов, Ҳусейн Исҳоқзода, Абдулло Лоиқов, Ёсин Бобокалонов, Умар Шеров, Меҳрзод Суфиев, Идибеки Амиршо ва дигарон маҳорати баланд нишон дода, бар ҳарифонашон ғолиб омаданд. Ҳамчунин паҳлавонони Ҷумҳурии Исломи Эрон низ дар мусобиқа фаъолона иштирок намуданд. Дар ин хусус шореҳи АМИТ «Ховар» хабар медиҳад.
Мусобиқа бо ташаббуси Мақомоти иҷроияи ҳокимияти давлатии ноҳияи Темурмалик ва соҳибкорони бонангу номуси ин ноҳия дар сатҳи баланд баргузор гардид. Хотиррасон менамоем, ки аз ҷониби ташкилкунандагони мусобиқа ба паҳлавонони ғолиб туҳфаҳои арзишманд, аз қабили се Шоҳҷоиза- мошини сабукрав, маблағҳои калони пулӣ ва дигар туҳфаҳо супорида шуданд.
Барои Шоҳҷоизаи аввали Мусобиқаи гӯштини миллӣ дар ноҳияи Темурмалик ду паҳлавони ҷавон ва бомаҳорати тоҷик: Саидшо аз ноҳияи Восеъ ва Шаҳриёр аз ноҳияи Темурмалик давоми якуним соат ба мухлисон ҳунари баланд нишон дода, бо ҳам рақобат карданд, вале ғолиб муайян нашуд.
Барои ҳамин Шоҳҷоиза ду паҳлавони ҷавон: Муҳаммад аз ноҳияи Данғара ва Зикрулло аз ноҳияи Темурмалик рақобат намуданд. Дар ниҳоят Зикрулло бо партофти хеле зебо ҳарифашро мағлуб намуда, сазовори ин мукофоти олӣ гардид. Шоҳҷоизаи дуюмро паҳлавони тоҷик Шарифҷон Назриев пас аз мағлуб намудани Рустам Хоҷаев сазовор гардид.
Шоҳҷоизаи сеюми мусобиқаро Раиси ноҳияи Темурмалик ба Наврӯз Каримзод- ҷоизадори медали нуқраи Чемпионати ҷаҳон оид ба гӯштини кураши қазоқӣ, ки моҳе пеш дар шаҳри Деҳлии Ҳиндустон баргузор гардида буд ва инчунин ҷоизадори медали тиллои Мусобиқаи байналмилалии гӯштингирӣ, ки чанд рӯз пеш дар шаҳри Истаравшан доир гардид, тақдим намуд.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
