ҶОМИ ОСИЁ-2025. Футболбозони навраси то 17-солаи Тоҷикистон ба Ватан бармегарданд
ДУШАНБЕ, 17.04.2025 /АМИТ «Ховар»/. Имшаб дастаи мунтахаби наврасони то 17-солаи Тоҷикистон оид ба футбол таҳти роҳбарии Марко Раҷини, ки дар Ҷоми Осиё-2025 дар Арабистони Саудӣ муваффақона баромад карданд, аз тариқи транзит аз Давҳа ба Ватан бармегардад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дастаи мунтахаби наврасони то 17-солаи Тоҷикистон соати 22:00-и шаб ба шаҳри Душанбе мерасад.
Ёдовар мешавем, ки дастаи мунтахаби наврасони то 17-солаи Тоҷикистон ба даври чорякниҳоии Ҷоми Осиё-2025 роҳ ёфт ва бо роҳхати Ҷоми ҷаҳон-2025, ки моҳи ноябр дар Қатар баргузор мешавад, ба Душанбе меояд.
Дастаи мунтахаби наврасони то 17-солаи Тоҷикистон дар Ҷоми Осиё-2025 дар Арабистони Саудӣ чаҳор бозӣ доир намуд. Дар марҳилаи гурӯҳии мусобиқот дастаи мунтахаби наврасони то 17-солаи Тоҷикистон бар дастаҳои мунтахаби наврасони Уммон бо ҳисоби 2:1 ва Эрон бо ҳисоби 3:1 пирӯз шуда, аз дастаи мунтахаби наврасони Кореяи Шимолӣ бо ҳисоби 0:3 шикаст хӯрд. Инчунин дастаи мунтахаби наврасони то 17-солаи Тоҷикистон дар марҳилаи чаҳорякниҳоӣ бо дастаи мунтахаби наврасони Кореяи Ҷанубӣ рақобат кард, ки вақти асосии бозӣ бо ҳисоби мусовии 2:2 ба анҷом расид. Дастаи Тоҷикистон дар силсилазарбаҳои ҷаримаи ёздаҳметра, яъне пеналти аз дастаи мунтахаби наврасони Кореяи Ҷанубӣ бо ҳисоби 5:3 мағлуб гардид.
Дастаи мунтахаби наврасони то 17-солаи Тоҷикистон моҳи ноябри соли 2025 дар мусобиқаи бонуфузи Ҷоми ҷаҳон дар Қатар бозӣ менамояд.
АКС: Федератсияи футболи Тоҷикистон
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
