Пагоҳ дар тамоми муассисаҳои тиббии Тоҷикистон ташхиси ройгон гузаронида мешавад
ДУШАНБЕ, 04.04.2025. /АМИТ «Ховар»/. Пагоҳ, 5 апрел аз соати 08.00 то 12.00 дар тамоми муассисаҳои тандурустии мамлакат, аз ҷумла дар муассисаҳои ҷумҳуриявӣ, марказҳои саломатӣ, беморхонаҳои вилоятҳо ва шаҳру ноҳияҳо машварат ва ташхису муоинаи ройгони шаҳрвандон (ба истиснои ташхису табобати гаронарзиш) баргузор мегардад. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Машварат ва ташхису муоинаи ройгони шаҳрвандон ба Рӯзи ҷаҳонии тандурустӣ (7 апрел) бахшида мешавад.
5 апрел ҳамчунин дар Муассисаи давлатии «Пажуҳишгоҳи гастроэнтерологияи Ҷумҳурии Тоҷикистон» ҳамоиши сатҳи баланди Вазорати тандурустӣ ва ҳифзи иҷтимоии аҳолии мамлакат баргузор мегардад. Дар ин муассиса аз ҷониби устодони муассисаҳои олӣ ва касбии таълимии тиббӣ бо доираи васеи аҳолӣ суҳбатҳо ва машваратҳои тахассусӣ баргузор мешаванд.
Тавре аз Маркази ҷумҳуриявии «Ташаккули тарзи ҳаёти солим»-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, дар ин рӯз аз ҷониби кормандони марказ ба сокинон варақаҳои иттилоотӣ доир ба пешгирии бемориҳои мавсимӣ тақсим мешаванд.
Аз шаҳрвандони мамлакат хоҳиш карда мешавад, ки дар ин ҳамоиш иштирок намуда, бо истифода аз имконият ва шароити мусоид вазъи саломатияшонро боз ҳам беҳтар намоянд.
Ёдовар мешавем, ки имсол Рӯзи ҷаҳонии тандурустӣ таҳти шиори «Оғози солими ҳаёт — гарави ояндаи накуфарҷом» гузаронида мешавад.
АКС: АМИТ «Ховар»
ҚОНУНИ ТАНЗИМ — НАМУНА БАРОИ КИШВАРҲОИ МИНТАҚА. Дар давраи амали ин қонуни миллӣ беш аз 12 миллиард сомонӣ сарфа шудааст
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
Кӯдаконро аз иттилооти ба саломатӣ ва инкишофи онҳо зараровар ҳифз бояд намуд
Ба муносибати Рӯзи байналмилалии ҳифзи ҳуқуқи кӯдак дар боғи «Курӯши Кабир» чорабинии тантанавӣ баргузор шуд
