Шоҳҷоизаҳои гӯштини миллии шаҳри Роғунро паҳлавонҳо аз Тоҷикистон ва Узбекистон сазовор шуданд
ДУШАНБЕ, 25.04.2025 /АМИТ «Ховар»/. 24 апрел дар Варзишгоҳи марказии шаҳри Роғун бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) дар ҳузури беш аз даҳ ҳазор мухлисон ва ҳаводорони варзиш дар сатҳи баланд баргузор гардид. Дар он паҳлавонони тоҷик Субҳиддин Халилзода, Ғазалшои Давлатшо, Суҳроб Муҳаммадов, Ҷаҳонгир Бобоев, Алӣ Боқиев, Ҳамроз Раҷабов, Набӣ Нуралӣ, Абдулло Лоиқов, Ҷумъахон Элмуродов, Ҳайдар Саидкабирзода, Бахтовар Бобохонов, Хурсанмурод Алиев, Раҳмоналӣ Азизов ва дигарон маҳорати баланд нишон доданд.
Ҳамчунин дар мусобиқа паҳлавонони Ҷумҳурии Узбекистон низ фаъолона иштирок намуданд.
Мусобиқаи гӯштини миллӣ (гӯштингирӣ) бо ташаббуси Мақомоти иҷроияи ҳокимияти давлатии шаҳри Роғун ва соҳибкорони шаҳр баргузор гардид.
Аз ҷониби ташкилкунандагони мусобиқа ба паҳлавонони ғолиб туҳфаҳои арзишманд, аз қабили ду Шоҳҷоиза, мошини сабукрав, маблағҳои пулӣ, қолин, бузу гӯсфанд, гов, асп ва дигар туҳфаҳо супорида шуданд.
Барои Шоҳҷоизаи аввали Мусобиқаи гӯштини миллӣ дар шаҳри Роғун ду паҳлавони шинохта — Субҳиддин Халилзода аз Ҷумҳурии Тоҷикистон ва Сарҳад аз Ҷумҳурии Узбекистон рақобат намуданд. Дар ниҳоят Субҳиддин Халилзода бо партофти хеле зебо ҳарифашро мағлуб намуда, сазовори ин мукофоти олӣ гардид.
Барои Шоҳҷоизаи дуюми Мусобиқаи гӯштини миллӣ дар шаҳри Роғун паҳлавони узбекистонӣ Зоҳид Ҳусайнов бо паҳлавони ҷавони тоҷик Ҷаҳонгир Бобоев рақобат карда, ғолиб омад ва соҳиби он гардид.
Дар Мусобиқаи гӯштини миллӣ дар шаҳри Роғун ҳунару маҳорати паҳлавонони тоҷик Субҳиддин Халилзода аз шаҳри Роғун ва Алӣ Боқиев аз ноҳияи Рӯдакӣ аз дигар паҳлавонон беҳтар буд, зеро бар панҷ-шаш ҳарифашон ғолиб омада, сазовори ҷоизаҳои олӣ гардиданд.
Аз ҷониби Мақомоти иҷроияи ҳокимияти давлатии шаҳри Роғун ва соҳибкорони шаҳр ба Муҳиддин Асадуллоев- паҳлавони ҷавон, ки зодаи шаҳри Роғун мебошад, туҳфаи пулӣ тақдим гардид.
Ёдовар мешавем, ки ҳам Субҳиддин Халилзода ва ҳам Муҳиддин Асадуллоев дар мусобиқаҳои сатҳи байналмилалӣ аз намудҳои варзиши самбо ва гӯштини ҷудо фаъолона иштирок намуда, борҳо ба дастовардҳои назаррас сазовор гардидаанд.
Ба ифтихори ин паҳлавонҳо борҳо Парчами Ҷумҳурии Тоҷикистон боло бардошта шудааст.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
