Шоҳҷоизаҳои мусобиқаи гӯштини миллии ноҳияи Ёвонро Ғазалшои Давлатшо ва Муҳаммадҷон Абдуҷалилзода соҳиб шуданд
ДУШАНБЕ, 07.04.2025 /АМИТ «Ховар»/. Бахшида ба Ҷашни байналмилалии Наврӯз дар ноҳияи Ёвон мусобиқаи гӯштини миллӣ (гӯштингирӣ) дар сатҳи баланд баргузор гардид, ки дар он паҳлавонони тоҷик Ғазалшоҳи Давлатшо, Суҳроб Маҳмадиев, Рустам Хоҷаев, Исроил Раҳимов, Муҳаммадҷон Абдуҷалилзода, Набӣ Нуралӣ, Зикрулло Шарифов, Ғаниҷон Мусохонов, Муҳаммадҷон Юсуфзода, Муқтадири Бобоҷон, Ёсин Бобокалонов, Умар Шеров, Хурсанкул Куганов ва дигарон маҳорати баланд нишон дода, бар ҳарифонашон ғолиб омаданд. Ҳамчунин паҳлавонони Ҷумҳурии Узбекистон низ дар мусобиқа иштирок намуданд.
Мусобиқа бо ташаббуси Мақомоти иҷроияи ҳокимияти давлатии ноҳияи Ёвон ва соҳибкорони бонангу номуси ин ноҳия дар сатҳи баланд баргузор гардид.
Хотиррасон менамоем, ки аз ҷониби ташкилкунандагони мусобиқа ба паҳлавонони ғолиб туҳфаҳои арзишманд, аз қабили се Шоҳҷоиза — мошини сабукрав, маблағҳои калони пулӣ, қолин, бузу гӯсфанд, гов ва дигар туҳфаҳо супорида шуданд.
Барои Шоҳҷоизаи аввали Мусобиқаи гӯштини миллии ноҳияи Ёвон ду паҳлавони шинохта- Исроил аз ноҳияи Хуросон ва Бахтовар аз шахри Душанбе давоми як соат рақобат карданд, вале ғолиб муайян нашуд. Аз ҷониби ташкилотчиёни мусобиқа ҳамин Шоҳҷоиза барои ду паҳлавони ҷавони тоҷик- Муҳаммадчон аз ноҳияи Темурмалик ва Икром аз ноҳияи Ёвон гузошта шуд. Дар ниҳоят Муҳаммадҷон Абдуҷалилзода бо як партофти хеле зебо ҳарифашро мағлуб намуда, сазовори ин мукофоти олӣ гардид.
Шоҳҷоизаи дуюмро паҳлавони тоҷик Ғазалшои Давлатшо пас аз мағлуб намудани Яшар — пахлавони пурқувват ва шинохтаи Узбекистон сазовор гардид.
Ҳамчунин ба ифтихори Ҷашни байналмилалии Наврӯз дар шаҳри Ҳисор низ мусобиқаи гӯштини миллӣ (гӯштингирӣ) хеле ҷолиб баргузор гардид. Дар он паҳлавонони тоҷик Муҳиддин Асадуллоев, Сайраҳмон Расулов, Қоим Шукронов, Ғаниҷон Мусохонов, Шаҳриёр Азизов, Муқтадири Бобоҷон, Умар Шеров ва дигарон маҳорати баланд нишон дода, бар ҳарифонашон ғолиб омаданд ва соҳиби ҷоизаҳои мусобиқа гардиданд.
Хотиррасон менамоем, ки аз ҷониби ташкилкунандагони ин мусобиқа ба паҳлавонони ғолиб маблағҳои калони пулӣ, телевизор, қолин, бузу гӯсфанд ва дигар туҳфаҳо супорида шуданд.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
