Амалиёти муваффақонаи ҷарроҳии дили кӯдакон, ки боиси наҷоти онҳо дар шабакаи клиникаҳои туркии «Acıbadem» мегардад

Бемориҳои дилу рагҳо — на танҳо мушкили ҷиддӣ барои калонсолон, балки ҳамзамон як бонги хатар барои низоми тандурустии кӯдакон ҳам мебошанд. Иллатҳои модарзодии дил нисбатан маъмуланд ва аз ин рӯ, ҷарроҳии кӯдаконаи дил аҳамияти ҳаётӣ дорад. Профессор Эрсин Эрек, намояндаи шабакаи клиникаҳои Acıbadem, таъкид мекунад: ҷарроҳии дил на танҳо ҳаётро наҷот медиҳад, балки сиҳатӣ ва фаъолнокиро ба кӯдакон бармегардонад.

Иллатҳои модарзодии дил то чӣ андоза паҳн гаштааст?

Ин навъи бемориҳо дар байни дигар иллатҳои модарзодӣ яке аз маъмултаринҳост. Ҳар сол ҳазорҳо кӯдакон бо ин иллатҳо таваллуд мешаванд. Аз ҳар 100 навзод 1-тои он ба чунин беморӣ ташхис мешавад ва дар 25%-и ҳолатҳо ҷарроҳӣ то сини яксолагӣ кӯдак зарур мегардад. Баъзеи ингуна бемориҳо бо усулҳои начандон мушкил ҳал мешаванд, вале дигарҳо бошанд ҳаётро зери хатар мегузоранд ва табобати мураккабу бисёрмарҳиларо талаб мекунанд.

Профессор Эрсин Эрек

Сабабҳои пайдошавии бемории модарзодии дил дар чист?

Сабабҳои дақиқи пайдоиши нуқсонҳои модарзодии дил ҳамеша маълум нестанд, аммо як қатор омилҳо мавҷуданд, ки хатари ин бемориҳоро зиёд мекунанд. Яке аз онҳо — омилҳои ирсӣ мебошад: агар волидайн бемориҳои дил дошта бошанд, эҳтимоли пайдоиши патология дар кӯдак се маротиба зиёдтар мешавад. Бемориҳои музмини модар, масалан диабети қанд, низ ба ташаккули дил дар батни модар таъсир мерасонанд ва эҳтимоли бемориҳои дилро зиёд мекунанд. Илова бар ин, баъзе доруҳо ва сироятҳо дар давраи ҳомиладорӣ метавонанд ба инкишофи муътадили дил халал расонанд. Омилҳои муҳити зист низ аҳамияти калон доранд: сигоркашӣ, нӯшидани машрубот ва таъсири моддаҳои заҳролуд хатари рушди нуқсонҳои модарзодии дилро дар кӯдакон зиёд мекунанд. Бо вуҷуди ин, мутахассисони шабакаи клиникаҳои туркии Acıbadem таъкид мекунанд, ки дар бисёре аз ҳолатҳо нуқсонҳои модарзодии дил бе сабаби равшан ба вуҷуд меоянд ва на ҳамеша мумкин аст, ки онҳоро пешгирӣ кард.

Ташхиси саривақтӣ метавонад ҳаётро наҷот диҳад, зикр намуданд дар Acibadem

Яке аз дастовардҳои муҳимтарини ҷарроҳии дилу рагҳои кӯдаконаи муосир — ин имконияти муайян кардани беморӣ ҳанӯз дар давраи перинаталӣ мебошад, яъне то таваллуд. Бо ёрии эхокардиографияи феталӣ мумкин аст нуқсонҳоро аллакай дар ҳафтаи 20-уми ҳомиладорӣ муайян кард. Ин ба оила вақт барои омодагӣ медиҳад: онҳо метавонанд аз вазъи саломатии кӯдаки оянда огоҳ шаванд ва табобатро пешакӣ ба нақша гиранд. Муайянсозии барвақт имконияти зинда мондани кӯдакро хеле зиёд мекунад, зеро табобат фавран баъди таваллуд оғоз меёбад. Дар ҳолати нуқсонҳои шадиди дил ва муайян нашудани саривақтии онҳо, оқибатҳои фоҷиавӣ мумкинанд. Бе муайян кардани барвақтии нуқсонҳои вазнин, масалан, басташавии раги шуш (обструкцияи артерияи шуш), кӯдак метавонад дар рӯзҳои аввали ҳаёт фавтида шавад. Вале дар сурати ташхиси барвақт табобатро метавон фавран оғоз кард — ва ин ба кӯдак имкон медиҳад, ки зиндагии пурра ва фаъол дошта бошад.

Аломатҳои бемориҳои дил дар кӯдакон ва ширхорагон метавонанд ҳам равшан бошанд, ҳам барои муддати дароз ноаён монанд. Аз ҷумлаи аломатҳои маъмултарин метавон ёдовар шуд: тангии нафас, нафаскаши зуд, хастагии бармаҳал ҳангоми ширмакӣ, суст афзудани вазн, кабуд шудани лабу нохунҳо (сианоз), арақкунии зиёд, сарчархӣ, нотавонӣ, тез задани дил, аритмия ва сироятҳои зуд-зудии шуш. Дар сурати пайдо шудани ягонто аз ин аломатҳо, хеле муҳим аст, ки сари вақт ба онҳо диққат дода, фавран ба кардиологи кӯдакона муроҷиат кард.

Технологияҳои муосири клиникаҳои туркии Acıbadem табобатро бехатар мегардонанд

Усулҳои инноватсионӣ имконият медиҳанд, ки бисёре аз бемориҳои дил бидуни ҷарроҳии кушода табобат шаванд.

1. Ҷарроҳии камташвиш

Ба ҷои буришҳои калон, сӯрохҳои хурд истифода мешаванд. Масалан, бастани нуқсони девораи байни дахлгоҳҳоро метавон бидуни ҷарроҳии кушода анҷом дод. Афзалиятҳо:

• зуд барқароршавӣ;
• захмҳои хурд;
• муддати кӯтоҳи бистарӣ.

2. Ҷарроҳии роботӣ

Роботҳои ҷарроҳӣ дар шабакаи клиникаҳои Acıbadem имкон медиҳанд, ки амалиёти душвор бо дақиқии баланд, махсусан дар минтақаҳои дастнорас, иҷро карда шаванд.

3. Мудохилаҳои катетерӣ

Баъзе бемориҳоро бо усулҳои интервенсионӣ (аналогӣ ба ангиография) табобат мекунанд:

• бастани нуқсонҳо бидуни буридан;
• васеъ кардани рагҳои тангшуда бо баллон ва стенд;
• ҷойгузории халтаҳои сунъӣ бидуни ҷарроҳии сандуқ.

Ин усулҳо ба кӯдакон дар шабакаи клиникаҳои туркии Acıbadem табобат бо роҳи камтарини ҷароҳат расондан, бароҳат ва нармро фароҳам меоранд.

Давраи пас аз ҷарроҳӣ дар Acıbadem: нақши калидии терапияи интенсивӣ

Натиҷаи хуби ҷарроҳӣ ба нигоҳубини босифат дар реаниматсия вобаста аст.

• ҳар кӯдак баъди ҷарроҳӣ ҳадди аққал як шабонарӯз дар реаниматсия қарор мегирад;
• дар ҳолатҳои мушкил — ҳафтаҳо;
• таҷрибаи кормандони реаниматсия хавфи оризаҳоро коҳиш медиҳад ва барқароршавиро метезонад.

Чӣ қадар нигоҳубин босифат бошад, ҳамон қадар шонси кӯдак барои баромадан бо ҳолати устувор бештар мешавад.

Шабакаи клиникаҳои Acıbadem — маркази иттилоотии байналмилалӣ аст!

Acıbadem яке аз калонтарин шабакаҳои хусусии тиббии Туркия мебошад, ки дар соҳаи кардиохирургияи кӯдакона шӯҳрати ҷаҳонӣ дорад.

• 11 клиника дар Истанбул ҳазорҳо беморро қабул мекунанд;
• беморон аз Аврупо, Осиё, Шарқи Наздик ва Африқо барои табобати иллатҳои модарзодии дил ба Acıbadem меоянд;
• солона беш аз 500 амалиёти дил дар кӯдакон анҷом дода мешавад;
• беш аз 20 кати махсуси реаниматсионӣ барои нигоҳубини баъд аз ҷарроҳӣ муҳайё гаштааст.

Афзалияти муҳим барои беморони хориҷӣ — имконияти банақшагирии пешакии табобат пеш аз таваллуд аст. Модарон метавонанд пеш аз таваллуд ба Туркия оянд, то барои кӯдак муҳити беҳтарин ва ёрии тиббии сатҳи олӣ фароҳам оранд.

Чораандешии саривақтӣ — калиди оянда барои солим будан

Кормандони бахши кардиохирургияи кӯдаконаи Acıbadem ҳар сол ҳазорҳо кӯдаконро наҷот медиҳанд. Бо ташхиси барвақтӣ, технологияҳои муосир ва усулҳои пешрафтаи ҷарроҳӣ, аксари иллатҳои модарзодии дил табобатшаванда мешаванд.

Муҳим аст, ки волидайн ба саломатии фарзандонашон диққат диҳанд ва ҳангоми пайдо шудани аломатҳо, зуд ба мутахассис муроҷиат кунанд. Мудохилаи саривақтӣ метавонад зиндагии кӯдакро ба таври куллӣ дигар кунад.

Бо Acıbadem чӣ гуна тамос гирифтан мумкин аст:

Барои маълумоти иловагӣ метавон ба намояндагии гурӯҳи ширкатҳои «ACIBADEM» дар шаҳри Душанбе дар суроғаи: кӯчаи Садриддин Айнӣ 46/2, тел.:(+992) 405 000 001 муроҷиат намуд.

Шумо инчунин метавонед бо ирсоли дархост тавассути вебсайт ё намояндагии расмии клиника аз духтурони пешбари шабакаи Acıbadem хулосаи дуюми тиббии ройгон гиред.