Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
ДУШАНБЕ, 31.05.2025. /АМИТ «Ховар»/. 29 май зимни баргузории маҷлиси Ҳукумати мамлакат таҳти раёсати Президенти Ҷумҳурии Тоҷикистон муҳтарам Эмомалӣ Раҳмон «Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030» қабул гардид.
Тавре аз Вазорати кишоварзии Ҷумҳуриии Тоҷикистон ба АМИТ «Ховар» иттилоъ доданд, «Барномаи рақамикунонии соҳаи кишоварзии Ҷумҳурии Тоҷикистон барои давраи то соли 2030» дар асоси «Стратегияи миллии рушди Ҷумҳурии Тоҷикистон барои давраи то соли 2030» ва фармони Президенти Ҷумҳурии Тоҷикистон аз 8 январи соли 2025 «Дар бораи Солҳои рушди иқтисоди рақамӣ ва инноватсия» эълон намудани солҳои 2025-2030» бо мақсади идомаи минбаъдаи ислоҳоти аграрӣ таҳия гардид.
Барнома инчунин барои ташкили низоми устувор ба тағйирёбии иқлим, иқтисоди “сабз”, фароҳам овардани шароити мусоид барои пешбурди соҳаи кишоварзӣ ва баланд бардоштани ҳосилнокӣ таҳия карда шудааст. Ҳамчунин он ба беҳтар кардани самаранокӣ, шаффофият, сари вақт гирифтани маълумот, истифодаи самараноки обу замин, рушди устувор, баланд бардоштани сатҳи некуаҳволии аҳолӣ ва таъмини амнияти озуқаворӣ равона шудааст.
Ҳадафи ин барнома таҳияи маҷмуи тадбирҳо оид ба рақамикунонии соҳаи кишоварзии Тоҷикистон мебошад. Он вазъи кунунии кишоварзии рақамиро дар мамлакат арзёбӣ намуда, мушкилот ва имконияти асосиро муайян мекунад, нақшаи чорабиниҳоро барои суръат бахшидани татбиқи технологияҳои рақамӣ дар соҳаи кишоварзӣ ва деҳот қадам ба қадам пешниҳод менамояд.
Тоҷикистон солҳои охир дар татбиқи технологияҳои рақамӣ дар бахшҳои мухталиф, аз ҷумла телекоммуникатсия, молия ва хизматрасониҳои давлатӣ ба пешравиҳо ноил гардидааст. Дар ин раванд рақамикунонии соҳаи кишоварзӣ дар Тоҷикистон ҳанӯз дар марҳилаи ибтидоӣ аст. Рақамикунонии кишоварзӣ — воситаи муҳимме мебошад, ки метавонад барои бартараф кардани мушкилиҳои соҳаи кишоварзӣ ва табдил додани он ба яке аз соҳаҳои муосир, рақобатпазир ва устувор мусоидат намояд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Намоишгоҳи муштараки саноатии Ҷумҳурии Тоҷикистон дар Ҷумҳурии Узбекистон оғоз гардид
Дар Тоҷикистон ба масофаи беш аз 31 ҳазор метр соҳилҳо мустаҳкам карда мешаванд
Тоҷикистон ва Ҳиндустон ҳамкориро дар самти рушди манбаъҳои барқароршавандаи энергия тавсеа мебахшанд
РУШДИ САЙЁҲӢ. Беш аз 38 ҳазор сайёҳони хориҷӣ минтақаи Кӯлобро тамошо намуданд
Дар Тоҷикистон барои беҳтар намудани вазъи мелиоративии заминҳо панҷ барнома амалӣ карда мешавад
Агентии «Тоҷикстандарт» зиёда аз 120 ҳазор воситаи ченаки корхона ва муассисаҳоро корношоям ҳисобид
Шералӣ Кабир бо Вазири сармоягузорӣ, саноат ва савдои Узбекистон Лазиз Қудратов мулоқот намуд
Дар вилояти Ҷиззах Форуми байниминтақавии соҳибкории Узбекистону Тоҷикистон баргузор шуд
Дар Тоҷикистон кишти пахта аз даҳаи охири моҳи март оғоз мегардад
Дар ноҳияи Шуғнон шумораи гармхонаҳои муосир афзоиш меёбад
ҶУФТБАРОРОН. Ин маросим оғози кишту кори баҳориро ифода мекунад
Дар ноҳияи Ҷайҳун неругоҳи офтобӣ сохта мешавад
