Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
ДУШАНБЕ, 09.05.2025. /АМИТ «Ховар»/. Дар партави дастуру ҳидоятҳои Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон бахшида ба Рӯзи Ғалаба раиси Кумитаи иҷроияи Ҳизби Халқии Демократии Тоҷикистон дар вилояти Хатлон Ҷамшед Саидзода ба дидорбинии иштирокчии Ҷанги дуюми ҷаҳонӣ Зайнулло Алиев рафт.
Тавре ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар вилояти Хатлон хабар доданд, ба иштирокчии Ҷанги дуюми ҷаҳонӣ Зайнулло Алиев туҳфаҳои моддию молиявӣ дода шуданд.
Зайнулло Алиев 12 ноябри соли 1925 дар ноҳияи Темурмалик ба дунё омадааст. Ӯ соли 1942 ба сафи Қувваҳои Мусаллаҳи собиқ Иттиҳоди Шуравӣ ҷалб гардида, дар ҷабҳаҳои Ленинград ва Беларус ҷангида, дар озодсозии шаҳрҳои Ленинград, Калинин, Молдова, Венгрия ва Руминия иштирок намудааст.
Номбурда соли 1945 зимни як муҳорибаи шадид ҷароҳати вазнин бардошта, ба Ватан баргаштааст. Пас аз баргашт дар шаҳри Бохтар ҳамчун собиқадори меҳнат дар рушди пахтакорӣ ва дигар бахшҳои кишоварзӣ саҳм гузошта, бо меҳнати содиқона сазовори эҳтироми ҳамдиёрон гардидааст.
Барои хизматҳои арзандааш бо ордени «Ҷанги Бузурги Ватанӣ, дараҷаи дуюм», медалҳои «Барои меҳнати шоён», «40-солагии Ғалаба», «60-солагии Ғалаба», «Медали Жуков» ва мукофотҳои дигари давлатӣ сарфароз гардонида шудааст.
Ҳоло бобои Зайнулло дар маҳаллаи «Ваҳдат»-и шаҳри Бохтар истиқомат дошта, дар ҳалқаи фарзандону наберагон рӯзгори шоистаи пиронсолиро сипарӣ менамояд.
Пешвои миллат муҳтарам Эмомалӣ Раҳмон ҳамеша таъкид менамоянд, ки пос доштани хизмати собиқадорон қарзи виҷдонии ҳар шаҳрванд аст.
АКС: Кумитаи иҷроияи Ҳизби Халқии Демократии Тоҷикистон дар вилояти Хатлон








Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
Дар Норак осоишгоҳи Вазорати корҳои дохилӣ ифтитоҳ гардид
АЗ НАСБИ ПАНЕЛҲОИ ОФТОБӢ ТО ЗАХИРАИ СӮЗИШВОРӢ. Муассисаҳои тандурустии Тоҷикистон ба зимистони солҳои 2026–2027 омода мебошанд
Дар Бохтар бахшида ба Иҷлосияи XVI Шурои Олӣ конференсияи ҳизбӣ баргузор шуд
Дар Душанбе Форуми байналмилалии тандурустӣ-2026 баргузор гардид
Ташаббусҳои Тоҷикистон дар соҳаи зеҳни сунъӣ дар Шанхай муаррифӣ карда шуданд






