Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
ДУШАНБЕ, 24.05.2025. /АМИТ «Ховар»/. Дар шаҳри Бохтар ба муносибати Рӯзи ҷаҳонии футбол, ки имсол нахустин маротиба 25 май таҷлил карда мешавад, ҳамоиш доир гардид. Дар ин хусус ба АМИТ «Ховар» аз хадамоти матбуотии Раиси вилояти Хатлон итилоъ доданд.
Дар ҳамоиш фестивали бозиҳои варзишӣ баргузор гардид. Дар он футболбозони наврас, дастаҳои маҳаллӣ ва дӯстдорони футбол ҳунарнамоӣ намуданд. Инчунин бо иштироки кӯдакон ва ҷавонони боистеъдод бозиҳои шавқовар доир шуданд.
Футбол ҳамчун варзиш дар тарғиби тарзи ҳаёти солим ва таҳкими дӯстӣ нақши муим мебозад. Инчунин аз ҷониби масъулони вилоят барои рушду тараққии футбол тадбирҳо амалӣ карда мешаванд.
Ноиби Президенти Федератсияи футболи Тоҷикистон Сайвалӣ Дониёрзода иброз намуд, ки «Федератсияи футбол ҳамеша кӯшиш менамояд, ки барои рушду тарғиби футбол, бахусус байни наврасону ҷавонон тамоми шароити мусоидро фароҳам оварад».
Дар ин рӯз ба 500 кӯдак тӯҳфаҳои хотиравӣ ва сару либоси варзишӣ тақдим карда шуд.
Ёдовар мешавем, ки 7 майи соли 2024 Маҷмаи Умумии Созмони Милали Муттаҳид бо қабули қатънома 25 майро Рӯзи ҷаҳонии футбол эълон кард. Ташаббуси эълони Рӯзи ҷаҳонии футбол аз ҷониби Президенти Ассотсиатсияи футболи Осиёи Марказӣ (CAFA), Раиси Федератсияи футболи Тоҷикистон Рустами Эмомалӣ пешниҳод шудааст.
АКС: Хадамоти матбуоти Раиси вилояти Хатлон
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
