Дар роҳҳои мошингарди Тоҷикистон ҳаракати воситаҳои нақлиёти гаронвазн маҳдуд карда мешавад
ДУШАНБЕ, 20.05.2025 /АМИТ «Ховар»/. Шуруъ аз 1 июни соли равон дар Тоҷикистон барои ҳаракати нақлиёти гаронвазн дар роҳҳои мамлакат маҳдудияти мавсимӣ оғоз мешавад, иттилоъ медиҳад АМИТ «Ховар» бо истинод ба Вазорати нақлиёти Тоҷикистон.
Ҳангоми беш аз 25 дараҷа гарм будани ҳаво ҳаракати нақлиёте, ки зиёда аз 6 тонна вазн дорад, аз соати 10:00 то 20:00 маҳдуд карда мешавад. Ин тасмим дар асоси Қарори Ҳукумати Ҷумҳурии Тоҷикистон гирифта шудааст, ки ҳадафаш пешгирии вайроншавии роҳҳои мошингарди мамлакат мебошад.
Маҳдудияти ҳаракати воситаҳои нақлиёти гаронвазн то 31 август идома меёбад.
Маҳдудият дар роҳҳои мошингарди Душанбе-Чанок (Хуҷанд- Бӯстон-сарҳади Узбекистон, Душанбе-Турсунзода-сарҳади Узбекистон, Душанбе-Қулма (тавассути Ваҳдат-Данғара-Кӯлоб-Хоруғ-сарҳади Чин, Ваҳдат-Рашт-Лахш-сарҳади Қирғизистон, Гулистон-Фархор-Панҷ- Дӯстӣ-сарҳади Афғонистон, Бохтар-Данғара, Қизил-Қалъа-Ҷарбуҷа (тавассути Қабодиён-Шаҳритус-Айвоҷ-сарҳади Узбекистон), Душанбе- Бохтар-Панҷи поён-сарҳади Афғонистон, Айнӣ-Панҷакент-сарҳади Узбекистон, Истаравшан-Зафаробод-сарҳади Узбекистон, Конибодом- Деҳмой, Истаравшан-Зафаробод-сарҳади Узбекистон, Исфара-Ворух- сарҳади Қирғизистон, Ғафуров-Булоқ-Пунгон-сарҳади Узбекистон амалӣ карда мешавад.
Маҳдудият барои дигар роҳҳое, ки ба онҳо ишора нашудааст, аз 8 тонна боло муқаррар шудааст.
Бояд гуфт, ки ин маҳдудият нисбат ба мошинҳое, ки мусофирон, кумаки башардӯстона, маҳсулоти хӯроквории зудвайроншаванда, борҳои хатарнок, калонҳаҷм ва ангишт мекашонанд ва иҷозатномаи махсус доранд, татбиқ карда намешавад.
Маҳдудияти сарбории иҷозатдодашудаи меҳварӣ ҳангоми ҳаракати воситаҳои нақлиёт дар роҳҳои истифодаи умумӣ дар фасли тобистон дар бисёр кишварҳои ҷаҳон барои пешгирӣ кардани таъсири манфӣ ба ҳолати роҳҳо амалӣ карда мешавад.
АКС: Вазорати нақлиёти Ҷумҳурии Тоҷикистон
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
