Дар Тоҷикистон беш аз 7 ҳазор тонна равғани растанӣ истеҳсол карда шудааст
ДУШАНБЕ, 25.05.2025. /АМИТ «Ховар»/. Дар се моҳи аввали имсол дар Тоҷикистон 7 ҳазору 566,3 тонна равғани растанӣ истеҳсол карда шудааст. Дар ҳамин давраи соли 2024 6 ҳазору 670,8 тонна равғани растанӣ истеҳсол шуда буд. Чунин омадааст дар гузориши вазъи иҷтимоию иқтисодии Агентиии омори назди Президенти Ҷумҳурии Тоҷикистон дар се моҳи соли равон.
Дар Тоҷикистон соҳаи коркарди зироати равғандиҳанда ва истеҳсоли равғани рустанӣ солҳои охир дар баробари дигар соҳаҳои саноати хӯрокворӣ тавассути воридоти технологияҳои муосир аз давлатҳои хориҷӣ рушд намудааст.
Доктори илмҳои кишоварзӣ Тош Нарзуллоев иброз намуд, ки дар мамлакат панҷ зироати равғандиҳанда кишт ва парвариш карда мешаванд, аз ҷумла зағир, офтобпараст, кунҷит, чормағзи заминӣ ва маъсар, ки дар таркиби донашон аз 30 то 60 фоиз равған доранд.
Мутобиқи ҷадвали маҷмуи ҳадди ақалли маҳсулоти ғизоӣ, меъёри равғани рустанӣ ба ҳар сари аҳолӣ 13,68 килограмм дар як сол муайян карда шудааст.
То 4 апрели соли равон зироати равғандиҳанда дар 1227 гектар кишт карда шудааст. Таъмини аҳолӣ бо истеҳсолоти ватанӣ яке аз масъалаҳои муҳими Ҳукумати мамлакат мебошад. Имрӯз аз ҳисоби маҳсулоти равғандиҳанда танҳо аз 28 то 30 фоизи аҳолӣ бо равғани истеҳсоли ватанӣ таъмин асту халос.
Аз ин рӯ олимони соҳаи кишоварзӣ нақша доранд, ки минбаъд бо истифода аз тухмиҳои хушсифат ва технологияи муосир то 70 фоизи аҳолиро бо равған таъмин намоянд.
«Барои неш зада баромадани зироати равғандиҳанда гармии ҳаво бояд аз 20 дараҷа боло бошад. Асосан кишти ин зироатро аз оғози моҳи май дар заминҳои обӣ гузаронидан зарур аст. Дар минтақаи вилояти Хатлон кишти ин зироатро аз моҳи апрел то июн, дар минтақаи Ҳисор ва минтақаи Суғд аз 1 то 20 май гузаронидан мумкин аст», -афзуд доктори илмҳои кишоварзӣ.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
