Дастаи мунтахаби Тоҷикистон оид ба футбол дар Қатар ба тамрин шуруъ намуд

ДУШАНБЕ, 27.05.2025 /АМИТ «Ховар»/. Дастаи мунтахаби Тоҷикистон оид ба футбол таҳти роҳбарии Гела Шекиладзе дар Қатар ҷамъомади тамриниро шуруъ намуд, хабар медиҳад АМИТ «Ховар» бо истинод ба Федератсияи футболи Тоҷикистон.

Ҳадафи ин ҷамъомад омода кардани даста ба бозиҳои  моҳи июн бо  дастаҳои  миллии Камбоҷа ва Филиппин аст.

Бояд гуфт, ки дастаи мунтахаби Тоҷикистон 5 июн бо тими Камбоҷа вохӯрии дӯстона доир карда, 10 июн бозии даври дуюми марҳилаи интихобии Ҷоми Осиё-2027-ро бо дастаи Филиппин анҷом медиҳад.

Қаблан ситоди мураббиёни дастаи мунтахаби Тоҷикистон ҳайати мунтахабро барои бозиҳо бо Камбоҷа ва Филиппин эълон кард, ки ба он 3 дарвозабон, 8 ҳимоятгар, 8 нимҳимоятгар ва 5 ҳамлагар шомил гардиданд.

 АКС: Федератсияи футболи Тоҷикистон