DUSHANBE GRAND SLAM 2025. Имрӯз дар рӯзи охири мусобиқа ҷудочиён аз рӯи 5 вазн қувва меозмоянд

ДУШАНБЕ, 04.05.2025 /АМИТ «Ховар»/. Имрӯз, 4 май рӯзи охири Мусобиқаи байналмилалии ҷудо «Dushanbe Grand Slam 2025» дар пойтахти Ҷумҳурии Тоҷикистон — шаҳри Душанбе аст, хабар медиҳад АМИТ «Ховар».

Дар рӯзи охири мусобиқа  варзишгарон аз рӯи 5 вазн:  -78 кг, +78 кг  байни занон ва -90 кг, -100, +100 кг байни мардон қувва меозмоянд.

Аз Тоҷикистон дар ин рӯз 13 ҷудочӣ иштирок менамояд.

Байни мардон

Вазни -90 кг: Музаммир Каримзод, Шодмон Ризоев,  Муҳаммадҷон Абдуҷалилзода,  Умедҷон Раҷабов

Вазни -100 кг:  Муҳсин Малаев, Парвиз Абдураҳмонов, Ҷаҳонгир Маҷидов,  Кароматулло Ҳакимов

Вазни +100 кг:  Темур Раҳимов, Раҳматулло Мирзоев,  Некрӯзшоҳ Некбахтзода, Мансур Раҳмон

Байни занон

Вазни +78 кг: Виктория Киселёва

Маблағи умумии ҷоизаҳои молии мусобиқа 154 ҳазор евроро ташкил медиҳад. Ғолибон дар ҳар вазн (7 вазн байни мардон ва 7 вазн байни занон) бо 5000 евро, барандагони медали нуқра бо 3000 евро ва соҳибони медали биринҷӣ бо 1500 евро сарфароз мегарданд.

Дар «Dushanbe Grand Slam- 2025» 226 варзишгар, ки 123 мард ва 103 зан мебошанд ва 27 давлати ҷаҳону 4 қитъаи оламро намояндагӣ менамоянд, иштирок доранд.

Дар рӯзи аввал  ва дуюми мусобиқа ҷудочиёни Тоҷикистон Меҳрзод Суфиев (дар вазни -60 кг) медали нуқра, Эмомалии Нуралӣ (дар вазни -66 кг) медали тилло, Обид Ҷебов (дар вазни -66 кг) медали нуқра, Ёсин Бобокалонов (дар вазни -66 кг ) медали биринҷӣ, Мадина Қурбонзода (дар вазин -52 кг) медали биринҷӣ, Муҳиддин Асадуллоев  дар вазни -73 кг медали тилло, Сомон Маҳмадбеков дар вазни -81 кг медали тилло ва Абубакр Шеров дар вазни -73  медали биринҷӣ ба даст оварданд.

АКС: АМИТ «Ховар»