Форуми соҳибкорию сармоягузории Тоҷикистон ва Арабистони Саудӣ баргузор шуд
ДУШАНБЕ, 20.05.2025 /АМИТ «Ховар»/. Ҷумҳурии Тоҷикистон ва Мамлакати Шоҳигарии Арабистони Саудӣ ҳамкории мутақобили судмандро дар соҳаҳои соҳибкорию сармоягузорӣ густариш медиҳанд. Дар иртибот ба ин 20 май дар Душанбе Форуми соҳибкорию сармоягузории Тоҷикистону Арабистони Саудӣ баргузор гардид, иттилоъ медиҳад хабарнигори АМИТ «Ховар».
Дар Форум доираҳои соҳибкорию сармоягузории ҳарду давлат иштирок намуда, роҳҳои таҳкими ҳамкории мутақобили судмандро дар самти рушди соҳибкорию сармоягузорӣ баррасӣ намуданд.
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода баргузории Форуми соҳибкорию сармоягузориро қадами устувор дар самти ҷалби сармояи Саудӣ ба иқтисоди Тоҷикистон маънидод намуд.
Таъкид гардид, ки Тоҷикистон дар минтақаи Осиёи Марказӣ дорои захираҳои бойи обию энергетикӣ, маъданҳои зеризаминӣ ва сайёҳӣ мебошад.
Ҳамзамон доираҳои соҳибкории Тоҷикистону Арабистони Саудиро ба истифодаи босамари имконоти сармоягузории ҷумҳурӣ ва дарёфти роҳҳои нави ҳамкорӣ дар самти ташкили корхонаҳои муштарак даъват карда шуданд.
Нақши Форуми соҳибкорию сармоягузории Тоҷикистону Арабистони Саудӣ дар таҳкими ҳамкории ду давлат дар соҳаи тиҷорат ва соҳибкорӣ муассир арзёбӣ гардид.
Президенти Федератсияи палатаҳои тиҷоратии Арабистони Саудӣ Ҳасан Ал-Ҳувайзӣ, ки ҳайати доираҳои соҳибкорию сармоягузории Саудиро роҳбарӣ менамояд, иброз дошт, ки робитаҳои самараноки доираҳои соҳибкорию сармоягузории Тоҷикистон ва Арабистони Саудӣ бо назардошти зарфияту имконоти мавҷуда метавонанд барои пешбурди тарҳҳои иқтисодӣ ва сармоягузорӣ байни ду давлат заминаи устувор гузоранд.
Ҷонибҳо доир ба муҳимияти ҷалби маблағгузорӣ барои татбиқи лоиҳаҳои инфрасохторӣ, рушди энергияи “сабз”, ҳамкории байнибонкӣ, таъсиси фондҳои муштарак, табодули таҷриба дар самти фановариҳои навин, инчунин иштироки ширкатҳои саудӣ дар татбиқи лоиҳаҳои афзалиятнок дар Ҷумҳурии Тоҷикистон ба мувофиқа расиданд.
Дар доираи Форум ҳамзамон имрӯз дар шаҳри Душанбе вохӯрии доираҳои соҳибкорию сармоягузории Тоҷикистон ва Арабистони Саудӣ дар шакли В2В – соҳибкор бо соҳибкор баргузор гардид.
Зимни он дар соҳаҳои афзалиятнок санадҳои ҳамкорӣ ба имзо расонида шуданд.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
