Намояндагони Кумита оид ба таҳсилоти ибтидоӣ ва миёнаи касбӣ дар машварати байналмилалӣ дар Италия иштирок намуданд

ДУШАНБЕ, 27.05.2025 /АМИТ «Ховар»/. Аз 20 то 22 май дар шаҳри Турини Италия оид ба баланд бардоштани малакаи касбӣ машварати байналмилалӣ баргузор шуд, ки дар он намояндагони Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон иштирок намуданд. Дар ин хусус ба АМИТ «Ховар» аз ин кумита хабар доданд.

Дар машварат дар баробари иштирокчиён аз мамлакатҳои Осиёи Марказӣ намояндагони Кумита оид ба таҳсилоти ибтидоӣ ва миёнаи касбӣ оид дастовардҳои Ҷумҳурии Тоҷикистон дар самти малакаи касбӣ маъруза намуданд.

Кумита оид ба таҳсилоти ибтидоӣ ва миёнаи касбӣ дар самти табодули таҷрибаи кормандону масъулони муассисаҳои таҳсилоти ибтидоӣ ва миёнаи касбӣ бо шарикон ҳамкорӣ намуда, чунин машваратҳоро мунтазам дар дохил ва хориҷи ҷумҳурӣ баргузор менамояд.

АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон