Намояндаи Тоҷикистон дар Форуми XIII байналмилалии ҳуқуқии Петербург иштирок намуд
ДУШАНБЕ, 20.05.2025 /АМИТ «Ховар»/. Вазири адлияи Ҷумҳурии Тоҷикистон Музаффар Ашуриён дар Форуми XIII байналмилалии ҳуқуқии Петербург, ки 19 май дар шаҳри Санкт-Петербурги Федератсияи Русия оғоз гардид, иштирок намуд. Форум то 21 май идома меёбад. Дар ин хусус ба АМИТ «Ховар» аз Вазорати адлияи Тоҷикистон хабар доданд.
Вазири адлияи Тоҷикистон дар ҷаласаи кушоди вазирони адлия иштирок намуда, вобаста ба «Барномаи солимгардонӣ, барқарорсозӣ ва ҳамгироии маҳбусони барои содир намудани ҷиноятҳои дорои хусусияти экстремистию террористӣ маҳкумшуда барои солҳои 2025-2029» сухан гуфт.
Иброз гардид, ки ин барнома ба устуворгардонӣ ва мушаххасгардонии шаклҳои мухталифи тарбия ва ислоҳи маҳкумшудагоне, ки барои содир намудани ҷиноятҳои дорои хусусияти экстремистию террористӣ маҳкум шудаанд, равона гардидааст.
Форуми XIII байналмилалии ҳуқуқии Петербург майдони васеи муколама ва мубоҳисаҳои ҳуқуқшиносони кишварҳои ҷаҳон мебошад.
Дар форум вазирони адлияи давлатҳои хориҷӣ, ходимони илмию амалӣ, ҳуқуқшиносони соҳаҳои мухталифи ҳуқуқ, судяҳои судҳои конститутсионӣ ва арбитражӣ, намояндагони созмонҳои байналмилалӣ, доираҳои васеи академӣ, сохторҳои бонкӣ, инчунин намояндагони донишгоҳҳои бонуфузи ҳуқуқии давлатҳои хориҷӣ иштирок намуда, дар мавзуъҳои мубрами соҳаҳои алоҳидаи ҳуқуқ, ҳалли мушкилоту муаммои татбиқи ҳуқуқ ва таҷрибаи пешқадам мубодилаи афкор менамоянд.
Дар доираи Форуми XIII байналмилалии ҳуқуқии Петербург масъалаҳои ҳуқуқи байналмилалии оммавӣ ва хусусӣ, рушди ҳамкории ҳуқуқӣ байни давлатҳои Созмони ҳамкории Шанхай, ёрии ҳуқуқии ройгон дар таҷрибаи байналмилалӣ, мушкилоти татбиқ ва маблағгузории лоиҳаҳои бузурги байналмилалӣ ва миллӣ, ҳуқуқ ба моликияти зеҳнӣ, рушди технологияҳои муосири иттилоотӣ ва дигар масъалаҳо мавриди муҳокимаи васеи иштирокчиён қарор дода шуданд. Дар доираи он инчунин форуми ҳуқуқшиносони ҷавон, муколамаҳо ва конфронсҳои сатҳи баланд баргузор мешаванд.
АКС: Вазорати адлияи Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
