Нисбат ба сокини шаҳри Душанбе барои истифодаи ғайриқонунии қувваи барқ санади маъмурӣ тартиб дода шуд
ДУШАНБЕ, 02.05.2025. /АМИТ «Ховар»/. Сокини 53-солаи шаҳри Душанбе Нурулло Раҷабов дар манзили истиқоматиаш, воқеъ дар кӯчаи Қаротегини ноҳияи Шоҳмансур неруи барқро бе ҳисобкунак пайваст намуда, як муддат онро ба таври ғайриқонунӣ истифода бурдааст.
Тавре аз Раёсати Вазорати корҳои дохилӣ ба АМИТ «Ховар» хабар доданд, ин далел дар натиҷаи гузаронидани санҷиш аз ҷониби нозирони минтақавии шуъбаи Вазорати корҳои дохилӣ-2 дар ноҳияи Шоҳмансур ошкор карда шуд.
Зимни санҷиш муайян гардид, ки зарари расонида 1411 сомониро ташкил медиҳад.
Вобаста ба ин нисбат ба Нурулло Раҷабов бо моддаи 382-и Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, барои чораҷӯӣ ба суд ирсол гардид.
Ёдовар мешавем, ки ба Кодекси ҳуқуқвайронкунии маъмурии Ҷумҳурии Тоҷикистон тағйир ворид карда шуд.
Дар асоси он барои истифодаи қувваи барқ бе пайвасткунӣ ба таҷҳизоти ҳисоби барқӣ, худсарона пайваст шудан (насб шудан) ба шабакаҳо ва дастгоҳҳои таъминоти барқ, истифодаи қувваи барқ ва гармӣ бе асбобҳои зарурии назоратӣ ва баҳисобгирӣ ё бе шартнома бо ташкилоти таъминоти қувваи барқ ва гармӣ, кандан ва шикастани асбобҳои андозагирӣ, инчунин дахолат намудан ба таҷҳизоти ҳисоби барқӣ ва тағйир додани нишондоди он бо мақсади насупоридани маблағи истифодаи қувваи барқ, ҳангоми набудани аломатҳои таркиби ҷиноят чунин муқаррарот ворид шуд.
Яъне ба шахсони воқеӣ ба андозаи аз 20 нишондиҳанда (1 ҳазору 500 сомонӣ) то 30 нишондиҳанда (2 ҳазору 250 сомонӣ), ба шахсони мансабдор аз 30 нишондиҳанда (2 ҳазору 250 сомонӣ) то 50 нишондиҳанда (3 ҳазору 750 сомонӣ) ва ба шахсони ҳуқуқӣ аз 200 нишондиҳанда (15 ҳазор сомонӣ ) то 300 нишондиҳанда(22 ҳазору 500 сомонӣ) барои ҳисобҳо ҷарима таъйин карда мешавад.
Дар ин замина дар асоси тағйиру иловаҳои нав дар Кодекси ҷиноятии Ҷумҳурии Тоҷикистон барои вайрон кардани қоида ва меъёрҳои истифодаи неруи барқ ҷавобгарии ҷиноятӣ пешбинӣ гардидааст.
АКС: Раёсати Вазорати корҳои дохилӣ дар шаҳри Душанбе
Ҳунарпешаи халқии Тоҷикистон Саидмурод Мардонов аз олам даргузашт
Форуми ҷавонони Осиёи Марказӣ ва давлатҳои аъзои Шурои ҳамкории Халиҷ баргузор гардид
Вобаста ба дастовардҳо, дурнамои рушди ҷавонон ва варзиш ҳамоиш доир шуд
Имрӯз дар Тоҷикистон чангу ғубор ба амал меояд
Бахшида ба Рӯзи ҷавонон иқдоми эҷодии донишҷӯёни Донишгоҳи техникии Тоҷикистон доир гардид
Дар Бохтар оид ба нақши ҷавонон дар рушди ҷомеаи муосир ҳамоиш доир гардид
Озмуни ҷумҳуриявии «Дизайнер ва барномасози беҳтарин» баргузор гардид
Дар минтақаи Кӯлоб 15 тонна намаки ғайристандартӣ ошкор карда шуд
Имрӯз дар Тоҷикистон ҳаво то 37 дараҷа гарм мешавад
Намояндаи Тоҷикистон дар ҷаласаи XX Форуми марказҳои таҳлилии СҲШ иштирок намуд
«ДАР МЕҲМОНИИ ДУШАНБЕ». Фестивали байналмилалии дӯстии кӯдакон ва наврасон доир мешавад
Бахшида ба Рӯзи ҷавонони Тоҷикистон Форуми соҳибкории ҷавонон баргузор шуд
