Тоҷикистону Булғористон хостори тақвияти ҳамкорӣ дар соҳаи саноат ва технологияҳои муосир шуданд
ДУШАНБЕ, 29.05.2025 /АМИТ «Ховар»/. Тоҷикистон ва Булғористон хостори таҳкими ҳамкории мутақобили судманд дар соҳаҳои иқтисоду тиҷорат, хусусан саноат гардидаанд. Масъалаҳои таҳкими ҳамкории гуногунсоҳаи ду давлат дар меҳвари мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо муовини Сарвазири Ҷумҳурии Булғористон Атанас Зафиров, ки дар шаҳри Душанбе баргузор гардид, қарор дошт.
АМИТ «Ховар» бо истинод ба Вазорати саноат ва технологияҳои нави Ҷумҳурии Тоҷикистон иттилоъ медиҳад, ки ҷонибҳо дурнамои ҳамкории иқтисодию тиҷоратиро баррасӣ намуда, зарурати рушди муносибатҳои мутақобили судмандро таъкид карданд.
Зимни мулоқот Шералӣ Кабир самтҳои афзалиятноки рушди саноати Тоҷикистонро муаррифӣ намуд. Ҳамзамон имконияти ҳамкорӣ бо ҷониби Булғористон дар бахшҳои истихроҷ ва коркарди маъданҳо, аз ҷумла ашёи хоми муҳим (критикӣ), ба монанди сурма, симоб, графит, антрасит, нуқра, мис ва литий, инчунин саноати алюминий, мошинсозӣ, дорусозӣ (бо истифода аз захираҳои бойи растаниҳои шифобахш) ва нассоҷӣ, аз ҷумла коркарди муштараки пахта ва содироти маҳсулоти ниҳоӣ ба бозорҳои Иттиҳоди Аврупо мавриди баррасӣ қарор гирифт.
Ҳамзамон бо назардошти афзалияти рушди технологияҳои рақамӣ дар иқтисодиёти Тоҷикистон ҷонибҳо зарурати густариши ҳамкориро дар бахши технологияҳои муосир, аз ҷумла зеҳни сунъӣ таъкид намуданд.
Тоҷикистон нахустин давлат дар Осиёи Марказӣ мебошад, ки Стратегияи миллии рушди зеҳни сунъиро қабул намуда, барои татбиқи амалии он қадамҳои мушаххас мегузорад. Ин иқдом метавонад заминаи устувор барои ҳамкории дуҷониба дар соҳаи инноватсия ва технологияҳои рақамӣ гардад.
Дар анҷоми мулоқот Вазири саноат ва технологияҳои нав ҷониби Булғористонро барои иштирок дар нахустин Форуми нассоҷӣ ва Намоишгоҳи таҷҳизоти нассоҷӣ, ки дар шаҳри Душанбе моҳи июли соли равон баргузор мегардад, даъват намуд. Ҷонибҳо барои рушди минбаъдаи муколама ва амалисозии лоиҳаҳои муштарак изҳори ҳавасмандӣ намуданд.
АКС: Вазорати саноат ва технологияҳои нави Ҷумҳурии Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
