Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
ДУШАНБЕ, 10.05.2025. /АМИТ «Ховар»/. 9 май вакили Маҷлиси намояндагони Маҷлиси Олии Ҷумҳурии Тоҷикистон Сурайё Дӯстмуродзода ва намояндагони Шурои собиқадорони ҷангу меҳнати шаҳри Ҳисор ба аёдат ва табрики иштирокчиёни Ҷанги дуюми ҷаҳонӣ аз деҳаи Ҳаёти Нави Ҷамоати деҳоти Ҳисор Раҷаб Усмонови 103-сола ва аз деҳаи Шоҳамбарии Ҷамоати деҳоти Алмосӣ Карим Рашиди 113-сола рафтанд. Дар ин хусус АМИТ «Ховар» бо истинод ба Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар медиҳад.
Зимни суҳбат вакили Маҷлиси намояндагон қаҳрамонони ҷангро ба муносибати 80-солагии Иди Ғалаба муборакбод гуфта, корнамоии иштирокчиёни ҷангро намунаи олии ҷавонмардӣ ва ватандӯстӣ барои наслҳои баъдӣ арзёбӣ намуд.
Изҳор гардид, ки бо шарофати ҷоннисорӣ ва шуҷоатмандию далерии иштирокчиёни ҷанг мо дар фазои оромию осудагӣ кору фаъолият менамоем.
Вакил бо қаҳрамонони ҷанг аз лаҳзаҳои мудҳиши солҳои ҷанг ва саҳми фиристодагони Тоҷикистон дар таъмини ғалаба ёдовар шуда, иброз намуд, ки бо шарофати соҳибистиқлолии мамлакат зери таваҷҷуҳи доимии Президенти Ҷумҳурии Тоҷикистон муҳтарам Эмомалӣ Раҳмон қарор дорем ва Тоҷикистон рӯз то рӯз шукуфову зеботар мегардад.
Иштирокчиёни Ҷанги дуюми ҷаҳонӣ изҳор намуданд, ки ҷавонони ҷумҳурӣ бояд шукронаи осудагию тинҷӣ ва сулҳу субот намуда, зери сиёсати Сарвари давлат Ватан-модарро ҳамеша аз душман ҳифз намоянд.
Иштирокчиёни ҷанг зимни суҳбат аз табрикоти самимӣ ва туҳфаҳои арзишманди Пешвои миллат муҳтарам Эмомалӣ Раҳмон ба онҳо ёдовар шуданд.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
