Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
ДУШАНБЕ, 31.05.2025. /АМИТ «Ховар»/. 30 май дар доираи Конфронси байналмилалии сатҳи баланд оид ба ҳифзи пиряхҳо байни Вазорати энергетика ва захираҳои оби Ҷумҳурии Тоҷикистон ва Агентии Швейтсария оид ба рушд ва ҳамкорӣ Ёддошти ҳусни тафоҳум дар бораи ташаббуси «Сулҳи кабуд дар Осиёи Марказӣ» ба имзо расид.
Тавре аз Вазорати энегетика ва захираҳои оби Ҷумҳурии Тоҷикистон иттилоъ доданд, Ёддошти ҳусни тафоҳум байни Вазири энергетика ва захираҳои оби Ҷумҳурии Тоҷикистон Далер Ҷумъа ва муовини директори Агентии Швейтсария оид ба рушд ва ҳамкорӣ Кристиан Фрутигер ба имзо расонида шуд.
Ин санад ҳамкории мутақобили судманди ҷонибҳоро дар доираи ташаббуси «Сулҳи кабуд дар Осиёи Марказӣ» тақвият дода, ба рушди идоракунии устувори захираҳои обии минтақавӣ ва ҳамкории байнидавлатӣ равона шудааст. Тавассути он инчунин иқтидори занон ва насли ояндаи олимон, дипломатҳо ва мутахассисони соҳаи об барои тавсеаи ҳамкорӣ дар соҳаи об рушд дода мешавад.
Ҳачунин дар ин рӯз байни Вазорати энергетика ва захираҳои оби Ҷумҳурии Тоҷикистон ва Пажӯҳишгоҳи байналмилалии идоракунии захираҳои об Ёддошти тафоҳум ба имзо расид.
Дар доираи ин санад аҳамияти мувофиқсозии масъалаҳои об бо дурнамо ва стратегияи рушди соҳаҳои кишоварзӣ, энергетика ва муҳити зист, таҳкими иқтидори ниҳодҳо ва мутахассисон, ҳамчунин баланд бардоштани нақши ҷавонон ва занон дар раванди қабули қарорҳо дарк ва эътироф гардид.
АКС: Вазорати энергетика ва захираҳои оби Ҷумҳурии Тоҷикистон
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
