Зиёда аз 50 муассисаи таълимии вилояти Суғд бо таҷҳизоти рақамӣ таъмин гардид
ДУШАНБЕ, 03.05.2025. /АМИТ «Ховар»/. Дар доираи татбиқи Қарори Ҳукумати Ҷумҳурии Тоҷикистон аз 20 марти соли 2024 «Дар бораи Барномаи ҷорӣ намудани технологияҳои иттилоотӣ ва коммуникатсионӣ дар муассисаҳои таҳсилоти умумӣ барои солҳои 2024–2028» ба зиёда аз 50 муассисаи таҳсилоти умумии шаҳру ноҳияҳои вилояти Суғд таҷҳизоти муосири техникӣ, аз ҷумла компютерҳо, тахтаҳои электронии интерактивӣ ва дигар воситаҳои таълимӣ тақсим карда шуданд.
Ин иқдом, ки бо дастгирии Президенти Ҷумҳурии Тоҷикистон муҳтарам Эмомалӣ Раҳмон ва маблағгузории Фонди захиравии Президенти мамлакат амалӣ гардид, ҷузъи муҳими сиёсати давлатии рушди соҳаи маориф ба ҳисоб рафта, ба раванди рақамикунонии муассисаҳои таълимӣ суръат ва таҳкиму раванд мебахшад.
Таҷҳизоти муосир ба муҷаҳҳаз намудани синфхонаҳои технологияи иттилоотӣ ва китобхонаҳои электронӣ равона гардида, барои хонандагон ва омӯзгорон шароити мусоиди таълим фароҳам месозад. Онҳо имконият медиҳанд, ки хонандагон бо усулҳои муосири омӯзиш шинос шаванд, малакаҳои рақамии худро такмил диҳанд ва барои муваффақият дар таҳсил ва зиндагӣ заминаи мустаҳкам гузоранд.
Татбиқи барнома дар панҷ соли оянда тамоми муассисаҳои таҳсилоти умумиро бо шабакаи интернетӣ, синфхонаҳои компютерӣ, тахтаҳои электронӣ ва китобхонаҳои рақамӣ фаро хоҳад гирифт. Ҳамзамон таъсиси системаи иттилоотии идоракунии соҳаи маориф (EMIS), платформаҳои таълимии электронӣ, аз ҷумла «Сандуқчаи зулбиё», таҳияи беш аз 3000 китоби электронӣ ва маводи интерактивӣ аз қадамҳои муҳими дигар дар ин самт ба ҳисоб мераванд.
Барномаи давлатӣ инчунин ба баланд бардоштани иқтидори кадрӣ, ташаккули саводнокии рақамии омӯзгорону шогирдон ва ташкили муҳити рақамии таълимӣ равона гардидааст. Тибқи нақша, дар оянда ҳамаи муассисаҳои таълимии мамлакат ба шабакаи ягонаи таълимии миллӣ пайваст шуда, ба хонандагон платформаҳои нави рақамӣ ва махзанҳои бозии таълимӣ пешниҳод мегарданд.
Ҳамаи омӯзгорон, роҳбарони муассисаҳо ва хонандагон даъват мешаванд, ки аз имконияти фароҳамшуда самаранок истифода баранд, то сифати таҳсил боз ҳам баландтар гардида, Тоҷикистон дар арсаи илму маърифат мавқеи арзандаро ишғол намояд.
АКС: Маркази матбуоти Вазорати маориф ва илми Ҷумҳурии Тоҷикистон
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
