ЧЕМПИОНАТИ ҶАҲОН ОИД БА ҶУДО–2025. Темур Раҳимов медали сеюмро барои дастаи мунтахаби Тоҷикистон ба даст овард
ДУШАНБЕ, 19.06.2025 /АМИТ «Ховар»/. Варзишгари тоҷик Темур Раҳимов дар Чемпионати ҷаҳон оид ба ҷудо, ки аз 13 то 19 июли 2025 дар шаҳри Будапешти Маҷористон баргузор шуд, дар вазни беш аз 100 кг медали биринҷӣ ба даст овард, хабар медиҳад АМИТ «Ховар».
Дар даври аввал Темур Раҳимов озод буда, дар рақобатҳои баъдӣ бар рақибонаш аз Ҷумҳурии Корея Ли Син Ёб, Австрия Мовли Борчашвили ва Муғулистон Гончигсурэн Батхуяг пирӯз гардид. Дар даври нимниҳоӣ ӯ бо паҳлавон аз дастаи варзишгарони бетараф Инал Тасоев рақобат кард ва, бо вуҷуди муборизаи шадид, шикаст хӯрд.
Дар рақобат барои ҷои сеюм Темур Раҳимов бар ҷудочии дастаи Озарбойҷон Ушанги Кокаури ғалаба намуда, медали биринҷии мусобиқаро соҳиб шуд.
Ёдовар мешавем, ки ин сеюмин медали дастаи мунтахаби ҷудои Тоҷикистон (1 нуқра ва 2 биринҷӣ) дар Чемпионати ҷаҳон-2025 гардид. Чанд рӯз пеш дар вазни то 66 кг Эмомалии Нуралӣ (медали нуқра) ва Обид Ҷебов (медали биринҷӣ) низ соҳиби медалҳо шуданд.
Ҳамин тариқ дар Чемпионати ҷаҳон оид ба ҷудо–2025, дастаи мунтахаби Тоҷикистон байни 93 кишвар бо ба даст овардани се медал — як нуқра, ду биринҷӣ ва як натиҷаи ҷойи ҳафтум дар раддабандии умумӣ мақоми ҳафтумро ишғол намуд.
Ин натиҷаи шоистаи варзишгарони тоҷик бори дигар маҳорати баланди онҳоро дар саҳнаи ҷаҳонии ҷудо нишон дод. Медалҳои бадастовардаи онҳо далели рушди устувори мактаби ҷудои Тоҷикистон ва мақоми баланд доштани варзишгарони тоҷик дар саҳнаи байналмилалӣ мебошанд.
Бояд гуфт, ки ин дастовардҳо натиҷаи таваҷҷуҳ ва дастгириҳои пайвастаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон нисбат ба соҳаи варзиш ва варзишгарони мамлакат мебошанд. Маҳз бо сиёсати варзишпарваронаи Роҳбарияти олии мамлакат шароити мусоид барои рушду пешрафти наврасону ҷавонон, омодасозии варзишгарони касбӣ ва иштирок дар мусобиқоти байналмилалӣ фароҳам гардидааст.
Бояд тазаккур дод, ки Чемпионати ҷаҳон оид ба ҷудо яке аз мусобиқоти бонуфузи байналмилалӣ буда, дар он беҳтарин паҳлавонони ҷаҳон иштирок менамоянд.
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
